2 SAMUEL 3:28 - Edisana ñwed Abasi Ibom

²⁸ Edikem ke ini David okopde, enye ɔdɔhɔ, ete, Jehovah idinamke iyip Abner eyen Ner ɔsɔp mi ye ubɔŋ mi ke nsinsi.

2 SAMUEL 3:28 ပူးပေါင်းရင်းမြစ်များ

GENESIS 4:10

Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

2 SAMUEL 16:8

Jehovah anam ofuri iyip ufɔk Saul, emi afo adade ubɔŋ ke ibuot esie, ɔsɔp fi; Jehovah omonyuŋ ɔbɔ fi ubɔŋ esin ke ubɔk Absalom eyen fo: ndien, sese, afo emeyire ke ibak fo, koro afo edide owo iyip.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 3:29

Yak enye odoro Joab ke ibuot, ye ke ofuri ufɔk ete esie; ndien owo eke ŋkpɔ ɔwɔrɔde enye ke idem, ye owo akpa-mfia, ye emi eberede ke esaŋ, ye emi ɔduɔde ke ofut, ye anana-udia okutre ke ufɔk Joab.

EXODUS 21:12

Owo eke oyibide owo owot, okutre ndikpa.

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.