2 SAMUEL 24:22 - Edisana ñwed Abasi Ibom

²² Ndien Araunah ɔdɔhɔ David, ete, Yak ɔbɔŋ mi edidem ada enye, onyuŋ awa se enye amade: sese, enaŋ ke edifɔp uwa, ye ŋkpɔ ubek ibokpot ye ŋkpɔ ufene ke ifia.

2 SAMUEL 24:22 ပူးပေါင်းရင်းမြစ်များ

GENESIS 23:11

ete, Ihih ɔbɔŋ mi, kop uyo mi: nnɔ fi iŋwaŋ oro, ye aba itiat emi odude ke esit, nnɔ fi oro; nda enye nnɔ fi ke iso nditɔ obio nnyin, buk akpa mkpa fo.

1 NDIDEM 19:21

Ndien enye (Elisha) afiak ɔkpɔŋ enye, aka akada enaŋ iba owot, onyuŋ ada ŋkpɔ unam-utom etem unam mmɔ, emen ɔnɔ mbon-utom eta. Ndien enye adaha ke enyɔŋ, etiene Elijah ke edem, onyuŋ anam ŋkpɔ ɔnɔ enye.

1 CHRONICLES 21:22

Ndien David ɔdɔhɔ Ornan, ete, Nɔ mi ebiet-ubek-ibokpot emi, man nnam itie-uwa nnɔ Jehovah ke esit: da enye nɔ mi ke ofuri ekɔm-urua: man enam idiɔk udɔŋɔ emi etre ɔkpɔŋ mbio emi.

JUDGES 6:26

nyuŋ nam itie-uwa nɔ Jehovah Abasi fo ke enyɔŋ ɔkpɔsɔŋ ebiet emi, tim nam kpukpru, ndien da udiana-akpa enaŋ oro fɔp ke edifɔp uwa ke ifia eto-mkpe emi afo edisiakde.

1 SAMUEL 6:14

Ekem ukpat ŋkpɔ oro oduk ke iŋwaŋ Joshua eyen Bethshemesh kiet, ndien atuak ada do, emi akamba itiat odude: ndien mmɔ eda ukpat ŋkpɔ oro esiak ifia, enyuŋ efɔp mme enaŋ ke edifɔp uwa enɔ Jehovah.