2 SAMUEL 24:15 - Edisana ñwed Abasi Ibom

¹⁵ Ndien Jehovah anam idiɔk udɔŋɔ etiene Israel, ɔtɔŋɔde ke usenubɔk oro tutu osim ini enye okodoride: ndien tɔsin owo ata ye duop ekpaŋa ke otu mmɔ, ɔtɔŋɔde ke Dan tutu osim Beersheba.

2 SAMUEL 24:15 ပူးပေါင်းရင်းမြစ်များ

2 SAMUEL 24:2

Ndien edidem ɔdɔhɔ Joab etubom mbon-ekɔŋ, emi odude ye enye, ete, Mbɔk, saŋa ke kpukpru esien Israel, ɔtɔŋɔde ke Dan tutu osim ke Beer-sheba; mbufo enyuŋ ebat kpukpru owo, man mfiɔk ibat mbio-obio

1 CHRONICLES 21:14

Ndien Jehovah esin idiɔk udɔŋɔ anam Israel: ndien tɔsin owo Israel ke itie ata ye duop eduɔŋɔ.

1 CHRONICLES 27:24

Joab eyen Zeruiah ɔkɔtɔŋɔ ndibat, edi ibatke ima, ndien iyaresit oto do odoro Israel: ndien ibat oro isineke ke ibat ikɔ eyo edidem David.

1 CHRONICLES 27:4

Ndien Dodai Ahohite akara ŋka udiana-akpa ɔfiɔŋ, ndien Mikloth edi ɔbɔŋ ŋka esie: ŋka esie onyuŋ edi tɔsin owo edip ye inaŋ.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

HABAKKUK 3:2

O Jehovah, mmokop mbuk fo; ndik anam mi: O Jehovah, demere enye utom fo ke ufɔt mme isua, nam efiɔk enye ke ufɔt mme isua; ke ini iyaresit, ti mbɔm.

NUMBERS 25:9

Ndien mme mmɔ emi ekpaŋade ke idiɔk udɔŋɔ oro esim tɔsin owo edip ye inaŋ.

MATTHEW 24:7

Koro idut eyedaha aŋwana ye idut, obio edidem kiet enyeyuŋ adaha aŋwana ye obio edidem efen: akaŋ ye unyek-isɔŋ eyenyuŋ edu ke nsio-nsio ebiet.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.

1 SAMUEL 6:19

Ndien enye owot nditɔ Bethshemesh, koro mmɔ ekubɔrede ekebe Jehovah ese, enye owot owo ata ye duop (tɔsin owo aba ye duop) ke otu mbio oro; ndien kpukpru owo etuaŋa, koro Jehovah akamiade mmɔ akamba ufen.