2 SAMUEL 24:10 - Edisana ñwed Abasi Ibom

¹⁰ Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

2 SAMUEL 24:17

Ndien David ɔdɔhɔ Jehovah, ke ini enye okutde angel oro owotde mbio-mbio, ete, Sese, ami ŋkedue, ŋkonyuŋ nnam se ikwaŋade: edi ŋkpri ufene emi ekenam nso? Mbɔk, yak ubɔk fo odoro mi, ye ufɔk ete mi.

1 NDIDEM 8:35

Adaŋemi enyɔŋ esirede, edim minyuŋ idepke, koro mmɔ edidue fi: ndien mmɔ ema ebɔŋ akam ese ebiet emi, enyuŋ etoro enyiŋ fo, enyuŋ ekpɔŋ mme idiɔk ido mmɔ efiak edem, koro afo ɔtuhɔde mmɔ:

1 CHRONICLES 21:7

Ndien ŋkpɔ emi ɔdiɔk ke iso Abasi: mmɔdo enye amiade Israel.

1 CHRONICLES 21:8

Ndien David ɔdɔhɔ Abasi, ete, Mmanam idiɔk-ŋkpɔ eti-eti, koro ŋkanamde ŋkpɔ emi: edi, mbɔk, dahado ndien ke idiɔk ido owo fo: koro mmanam ndisime eti-eti.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

2 CHRONICLES 32:26

Ekem Hezekiah osuk idem abaŋa mmenere esit esie, enye ye mme andiduŋ Jerusalem; ndien iyaresit Jehovah inamke mmɔ ke eyo Hezekiah.

ŊWED JOB 7:21

Nsinam afo mufenke ndudue mi, munyuŋ umenke idiɔk ido mi ufep? Koro ke emi ke ndinyene ndina ke ntan, ndien afo eyeyom mi, edi ndiduhe.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

EXODUS 10:16

Ndien Pharaoh awara okot Moses ye Aaron edi; ndien enye ɔdɔhɔ ete, Mmedue Jehovah Abasi mbufo, ye mbufo ŋko.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

HOSEA 14:2

Mbufo emen ikɔ mbufo efiak etiene Jehovah: edɔhɔ enye, ete, Men kpukpru idiɔk-ŋkpɔ fep, nyuŋ da eti: ndien nnyin iyenɔ fi uwa mkpɔk-inua nnyin.

JOEL 2:12

Jehovah onyuŋ ɔdɔhɔ ke emi ŋko, ete, Mbufo efiak etiene mi ke ofuri esit mbufo, ye ke utre-udia, ye ke ntua-eyet, ye ke eseme:

NUMBERS 12:11

Ndien Aaron ɔdɔhɔ Moses, ete, Ɔbɔŋ mi, mbɔk, kudori nnyin idiɔk ido emi, emi nnyin inamde ndisime, emi nnyin inyuŋ iduede.

MARK 7:22

ye obom, ye efibe, ye idiɔk itɔŋ, ye oburobut ido, ye abiaŋa, ye obukpo ido, ye erise owo idiɔk enyin, ye isuŋi, ye iseri, ye ndisime:

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 8:9

Edi ke ini mmɔ ekopde ibɔrɔ emi, mmɔ ewɔŋɔ kiet kiet, ɔtɔŋɔde ke ebiowo tutu osim ukperedem; ndien eyesuk Jesus ikpɔŋ, ye ŋwan oro ke ɔtɔ nte enye adade ke ufɔt.

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

1 SAMUEL 24:5

Edikem ndien esit ɔduɔ David: koro enye okosibede utɔŋ ekura Saul.

1 SAMUEL 24:6

Enye onyuŋ ɔdɔhɔ ikɔt esie, ete, Nsa mi, ma Jehovah, ndinamke ŋkpɔ emi ye ete mi emi Jehovah ekeyetde aran; ndinyanke ubɔk mi ntuk enye: koro enye edide se Jehovah ekeyetde aran.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.