2 SAMUEL 23:8 - Edisana ñwed Abasi Ibom

⁸ Mmemmɔ emi edi enyiŋ mbon-uko oro David ekenyenede: Josheb-basshebeth, Tahchemonite, ɔbɔŋ mme etubom; enye (ekere) Adino Eznite, abaŋa owo ikie itiata emi eduɔŋde afai ini kiet.

2 SAMUEL 23:8 ပူးပေါင်းရင်းမြစ်များ

2 SAMUEL 10:7

Ekem adaŋemi David okopde, enye ɔdɔŋ Joab, ye ofuri udim mbon uko.

1 NDIDEM 1:8

Edi Zadok oku, ye Benaiah eyen Jehoiada, ye prophet Nathan, ye Shimei, ye Rei, ye mbon-uko oro David enyenede isaŋake ye Adonijah.

1 CHRONICLES 11:10

Ndien mme mmɔ emi edi mme etubom mbon uko oro David ekenyenede, emi esɔŋɔde eda ye enye ke ubɔŋ esie, ye ofuri Israel, enyuŋ enimde enye ke edidem, ekem ke uyo Jehovah oro abaŋade Israel.

1 CHRONICLES 27:1

NDIEN mme mmɔ emi edi nditɔ Israel ke ibat mmɔ, kpa mme etubom mme ete, mbɔŋ mme tɔsin ye eke mme ikie, ye mme ndidaha mmɔ emi esaŋade utom edidem ke kpukpru ŋkpɔ mme ŋka, eke edukde, enyuŋ ewɔrɔde ke ɔfiɔŋ, ke ɔfiɔŋ, ke kpukpru ɔfiɔŋ ke isua, ŋka kiet edi tɔsin owo ke itie edip ye inaŋ.

1 CHRONICLES 27:2

Jashobeam eyen Zabdiel akara akpa ŋka akpa ɔfiɔŋ: ndien tɔsin owo edip ye inaŋ edu ke ŋka esie.

1 CHRONICLES 27:32

Ndien Jonathan eyen-ete ete David edi owo item emi edide asian, onyuŋ ɔfiɔkde ŋwed: Jehiel eyen Hachmoni onyuŋ odu ye nditɔ edidem:

JUDGES 15:15

Ndien enye okut obufa mbaŋ ass, onyuŋ anyan ubɔk esie emen enye ada owot tɔsin owo.