2 SAMUEL 23:5 - Edisana ñwed Abasi Ibom

⁵ Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

2 SAMUEL 23:5 ပူးပေါင်းရင်းမြစ်များ

GENESIS 9:16

kpukpru obukidem. Akpara eyenyuŋ odu ke idiɔk enyɔŋ; nyenyuŋ nse enye, nnyuŋ nti nsinsi ediomi ke ufɔt Abasi, ye kpukpru mme andidu uwem, ke kpukpru obukidem emi odude ke ererimbot.

2 SAMUEL 12:10

Mmɔdo ofut midikpɔŋke ufɔk fo tutu amama; koro afo emesin mi ke ndek, omonyuŋ ada ŋwan Uriah Hittite ke idemfo ɔdɔ.

2 SAMUEL 13:14

Edi enye inyimeke ndikop uyo esie: ndien koro ɔsɔŋde akan enye, asabare enye, onyuŋ ɔfiɔk enye.

2 SAMUEL 13:28

Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

2 SAMUEL 18:14

Ndien Joab ɔdɔhɔ ete, Ŋkwe nte ndidade ntem ye afo. Ndien enye emen onyim ita ke ubɔk, ada mmɔ okim Absalom ke esit, ke enye odude uwem kaŋa ke ufɔt ofriyo.

2 SAMUEL 7:12

Ndien ke ini usen fo ekemde, ke afo onyuŋ anade ye mme usɔ ede, ami nyenam ubon fo emi editode fi ke idem, etiene fi adaha ada, nnyuŋ nnam ubɔŋ esie ɔsɔŋ ada.

2 SAMUEL 7:18

Ekem edidem David oduk editie ke iso Jehovah, onyuŋ ɔdɔhɔ ete, Ami ndi anie, O Jehovah Abasi? Ufɔk mi onyuŋ edi nso, emi afo adade mi edi ken?

1 NDIDEM 1:5

Ndien Adonijah eyen Haggith emenere idem esie, ete, Ami nyeda ubɔŋ: enye onyuŋ otim chariot ye horse ɔnɔ idemesie, ye owo aba ye duop eke efeŋede enye ke iso.

1 NDIDEM 11:38

Ndien ama ekem edieke afo edikopde kpukpru se ami ntemede fi, edinyuŋ asaŋade ke usuŋ mi, onyuŋ anam se inende ke iso mi, onyuŋ onim mme ewuhɔ mi ye mbet mi, kpa nte David owo mi akanamde; nyedu ye afo, ndien, nnyuŋ mbɔp ɔkpɔsɔŋ ufɔk nnɔ fi.

1 NDIDEM 12:14

enye onyuŋ ɔbɔrɔ mmɔ ke item mkparawa, ete, Ete mi akanam ɔkpɔnɔ odobi mbufo, edi ami nyekɔrɔ mbufo ɔkpɔnɔ efen: ete mi akamia mbufo ke ikpa, edi ami nyemia mbufo ke scorpion.

ŊWED MME PSALM 111:9

Enye ɔnɔ ufak esɔk ikɔt esiemɔ: onyuŋ owuk ediomi esie ke nsinsi: enyiŋ esie edi edisana, onyuŋ enyene uteŋe.

ŊWED MME PSALM 119:81

Ukpɔŋ akpa mi ke eriyom erinyaŋa fo: ndori enyin ke mme ikɔ fo.

ŊWED MME PSALM 27:4

Mmebeŋe Jehovah ŋkpɔ kiet, ndien nyeyom enye; nte nduŋ ke ufɔk Jehovah ke ofuri uwem mi, man nse uyai Jehovah, nnyuŋ ntim mbup ke temple esie.

ŊWED MME PSALM 62:2

Edi enye ikpɔŋ-ikpɔŋ edi akwa itiat mi ye erinyaŋa mi; ye ebiet ubɔhɔ mi; ndifumke eti-eti.

ŊWED MME PSALM 89:3

Mmodiomi ediomi ye owo emi mmekde, mmɔŋwɔŋɔ nnɔ David owo mi.

ISAIAH 11:1

NDIEN nsehe kiet eyetibe ke etak eto Jesse, ŋkɔk eyenyuŋ asiaha ke oruŋ esie.

ISAIAH 27:6

Ke eyo emi edide, Jacob eyemum oruŋ ke isɔŋ: Israel eyesehe onyuŋ asiaha ikɔŋ, onyuŋ ada mbuŋwum ɔyɔhɔ ke iso ererimbot.

ISAIAH 4:2

Ke usen oro ŋkɔk Jehovah eyekabare edi uyai ye ubɔŋ, mfri isɔŋ eyenyuŋ edi ubom ye mbana nditɔ Israel eke ebɔhɔde.

ISAIAH 54:10

Koro ikpɔ obot eyesehere, ŋkpri eyenyuŋ enyek: edi ima mi idisehekede ikpɔŋ fi, ediomi emem mi idinyuŋ inyekke; emi edi uyo Jehovah emi atuade fi mbɔm.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 61:8

Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JEREMIAH 33:21

ndien eyekeme ndibiat ediomi mi (emi ŋkodiomide) ye David owo mi, man enye okunyene eyen eke edidade ubɔŋ ke ebekpo esie, ye eke mme Levite mme oku ŋko emi esaŋade utom enɔ mi.

EZEKIEL 37:26

nyenyuŋ nnam ediomi emem ye mmɔ; eyedi nsinsi ediomi ye mmɔ; ndien nyenim mmɔ (ke itie), nnyuŋ nnam mmɔ ewak, nnyuŋ ŋwuk mmɔ edisana ebiet mi ke ufɔt ke nsinsi.

AMOS 9:11

Ke usen oro nyediɔŋ ataya David emi ɔduɔde, nnyuŋ nsiri ŋwure esie; nnyuŋ ndiɔŋ ufɔk esie emi ebiarade, nnyuŋ mbɔp enye, kpa nte ke eyo oko:

UTOM MME APOSTLE 13:34

Ndien kabaŋa erinam emi Abasi anamde Enye eset ke mkpa, okunyuŋ afiak aba okut mbiara, Enye etiŋ ntem ete, Nyenɔ mbufo ndisana ŋkpɔ David eke midikpuhu mbufo.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

MME HEBREW 6:19

idori-enyin oro ke nnyin inyene nte ukwak ubom ukpɔŋ nnyin, eke midikpuhu nnyin, edi ɔsɔŋɔde omum isɔŋ, onyuŋ ebede oduk ekeyire ke se idude ke esit ukara;

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.

1 SAMUEL 25:28

Mbɔk, fen ndudue ofin aŋwan fo: koro Jehovah miditreke ndinam ɔkpɔsɔŋ ufɔk nnɔ ɔbɔŋ mi; koro ɔbɔŋ mi aŋwanade ekɔŋ Jehovah, miko-nyuŋ ikwe fi idiɔk-ŋkpɔ ke idem ke ofuri uwem fo.