2 SAMUEL 23:10 - Edisana ñwed Abasi Ibom

¹⁰ enye adaha ke enyɔŋ owot mme Philistine, tutu ubɔk emem enye, ubɔk onyuŋ adiana enye ke ofut: ndien Jehovah anam akamba erinyaŋa ke usen oro; ndien kpukpru owo efiak etiene enye, eka ekebume mbume ikpɔŋ-ikpɔŋ.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Edi enye adaha ada ke ufɔt iŋwaŋ oro, osio mmɔ efep ke esit, onyuŋ owot mme Philistine: Jehovah onyuŋ anam akamba erinyaŋa.

2 NDIDEM 5:1

NDIEN Naaman, etubom mbon-ekɔŋ Syria, edi akamba owo ke iso ɔbɔŋ esie, onyuŋ enyene ukpono, koro Jehovah akadade ubɔk esie ɔnɔ Syria erinyaŋa: ndien owo oro edi owo uko, edi ɔdɔŋɔ akpa-mfia.

1 CHRONICLES 11:13

Enye odu ye David ke Pasdammim, mme Philistine ekenyuŋ ebono do ndiŋwana ekɔŋ, iŋwaŋ emi barley ɔyɔhɔde ke esit onyuŋ odu do: ndien kpukpru owo efeŋe ke iso mme Philistine.

ŊWED MME PSALM 108:13

Nnyin iyeda Abasi inam uko; ndien edi enye edidigi mme asua nnyin.

ŊWED MME PSALM 144:10

emi ɔnɔde edidem erinyaŋa: emi afabarede David owo esie efep, osio idiɔk ofut ke ubɔk.

ŊWED MME PSALM 68:12

Ndidem mbon-ekɔŋ eyefeŋe, eyefeŋe, ndien ŋwan eke osukde ke ufɔk eyebahare mbume.

ISAIAH 53:12

Mmɔdo nyedeme ŋkpɔ ke otu ikpɔ owo nnɔ enye, enye eyenyuŋ edeme mbume ye mkpɔsɔŋ owo; koro enye akaŋwaŋade ukpɔŋ esiemɔ ɔnɔ mkpa: enyuŋ ebatde enye esin ke otu mme anam-idiɔk; enye onyuŋ obiom mme idiɔk ido ediwak owo, eyenyuŋ anam mkpe-ubɔk ɔnɔ mme anam-idiɔk.

ŊWED MBON ROME 15:18

Koro mmendinyeneke uko nditiŋ ŋkpɔ

2 ŊWED CORINTH 4:5

Koro idige idem nnyin ke nnyin ikwɔrɔ, edi Christ Jesus, ite, Enye edi Ɔbɔŋ, inyuŋ ikwɔrɔ ibaŋa idem nnyin, ite, idi ifin mbufo kabaŋa Jesus.

JOSHUA 10:10

Ndien Jehovah asuan mmɔ ke iso Israel, onyuŋ osobo mmɔ akamba nsobo ke Gibeon, onyuŋ ebine mmɔ oduk ke usuŋ emi edɔkde eka Beth-horon, onyuŋ osobo mmɔ tutu osim ke Azekah ye Makkedah.

JOSHUA 10:42

Ntre ke Joshua ada kpukpru mbɔŋ emi ye isɔŋ mmɔ ini kiet: koro Jehovah Abasi Israel aŋwanade ekɔŋ ɔnɔ Israel.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

JUDGES 15:14

Enye oto edisim Lehi, ndien mme Philistine ekpɔk ukube ke ini ekutde enye: ndien spirit Jehovah oduk enye ke idem, ndien uruk emi ɔbɔbɔde enye ke ubɔk, akabare etie nte mfibe eke ɔfɔpde ke ikaŋ, ndien uruk ɔkpɔhɔ enye ke ubɔk.

JUDGES 15:18

Ndien ke ini itɔŋ asatde enye eti-eti, enye eseme ɔnɔ Jehovah, ete, Afo ama ada akwa erinyaŋa emi esin owo fo ke ubɔk: ndien ke emi mmɔŋ nyom ndikpa nsat-itɔŋ nyeyuŋ nduɔ ke ubɔk mbon edut emi.

1 SAMUEL 11:13

Edi Saul ɔdɔhɔ ete, Owo idikpaha mfin emi koro mfin emi Jehovah amanam erinyaŋa ke Israel.

1 SAMUEL 14:23

Ntre ke Jehovah anyaŋa Israel ke usen oro: ekɔŋ onyuŋ ebe osim ke Beth-aven.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:53

Ndien nditɔ Israel eto ndibine mme Philistine efiak edem, ekebume nna-ekɔŋ mmɔ.

1 SAMUEL 19:5

ndien enye ekesin uwem esie ke ubɔk esie okowot Philistine oro, Jehovah okonyuŋ anam akamba erinyaŋa ɔnɔ ofuri Israel; afo ama okut, onyuŋ adat esit: nsinam ndien afo oyomde ndinam idiɔk ye iyip owo emi miduehe, ke ndiwot David ke ikpikpu?