2 SAMUEL 22:7 - Edisana ñwed Abasi Ibom

⁷ Ke nnanenyin mi nyefiori ŋkot Jehovah, nnyuŋ nseme nnɔ Abasi mi: ndien enye etie ke temple esie okop uyo mi, mfiori mi onyuŋ oduk enye ke utɔŋ.

2 SAMUEL 22:7 ပူးပေါင်းရင်းမြစ်များ

ŊWED MME PSALM 107:6

Ndien mmɔ eseme enɔ Jehovah ke nnaanenyin mmɔ; enye osio mmɔ ke itie ukut mmɔ.

ŊWED MME PSALM 116:4

Ndien nsemeŋkot enyiŋ Jehovah, nte, Mbɔk, Jehovah, nyaŋa ukpɔŋ mi.

ŊWED MME PSALM 120:1

AMI ŋkeseme nnɔ Jehovah ke nnanenyin mi, ndien enye eyere mi.

ŊWED MME PSALM 18:6

Nseme nnɔ Jehovah ke nnanenyin mi, nnyuŋ mfiori ŋkot Abasi mi: enye etie ke temple esie okop uyo mi, mfiori mi onyuŋ edi enye ke iso, oduk enye ke utɔŋ.

ŊWED MME PSALM 27:4

Mmebeŋe Jehovah ŋkpɔ kiet, ndien nyeyom enye; nte nduŋ ke ufɔk Jehovah ke ofuri uwem mi, man nse uyai Jehovah, nnyuŋ ntim mbup ke temple esie.

ŊWED MME PSALM 34:6

Eyen ukut emi ekeseme, ndien Jehovah okop, onyuŋ anyaŋa enye osio ke kpukpru nnanenyin esie.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

JONAH 2:4

Ndien ami ndɔhɔ, nte, Ememen mi efep ke iso fo eduɔk; edi nyesuk nse edisana temple fo.

JONAH 2:7

Adaŋemi ukpɔŋ akpade mi ke idem, nti Jehovah: ndien mkpeubɔk mi osim fi ke edisana temple fo.

HABAKKUK 2:20

baba ibifik inyuŋ iduhe enye ke esit. Ndien Jehovah odu ke edisana temple esie: ofuri ererimbot, dop uyo ke iso esie.

LUKE 22:44

Ndien Enye oduk ke ɔkpɔsɔŋ eŋwan, onyuŋ ɔdɔdiɔŋ ɔsɔŋɔ ɔbɔŋ akam: ndien ibibiak Esie etie nte mme ntɔi iyip eke etɔide ke isɔŋ.

MME HEBREW 5:7

Ke mme usen emi Enye odude ke obukidem Enye ɔkɔbɔŋ akam onyuŋ anam mkpe-ubɔk ye ɔkpɔsɔŋ eseme ye mmɔŋ-eyet ɔnɔ Abasi emi ekemede ndinyaŋa Enye nsio ke mkpa, Abasi onyuŋ eyere Enye, koro Enye eteŋede Abasi;

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.