2 SAMUEL 22:48 - Edisana ñwed Abasi Ibom

⁴⁸ Edi Abasi mi osio usiene ɔnɔ mi, onyuŋ ɔsuhɔre mme idut onim mi ke idak;

2 SAMUEL 22:48 ပူးပေါင်းရင်းမြစ်များ

2 SAMUEL 18:19

Ndien Ahimaaz eyen Zadok ɔdɔhɔ ete, Mbɔk, yak mfehe, ŋketiŋ eti ikɔ emi nnɔ edidem, koro Jehovah emekpe ikpe osio enye ke ubɔk mme asua esie.

2 SAMUEL 18:31

Ekem, sese, Cushi edi. Ndien Cushi ɔdɔhɔ ete, Yak etiŋ eti ikɔ, ɔbɔŋ mi edidem, koro Jehovah emekpe ikpe mfin emi, osio fi ke ubɔk mme mmɔ oro edahade ke enyɔŋ eŋwana ye afo.

2 SAMUEL 4:8

Ndien mmɔ eda ibuot Ish-bosheth edisɔk David ke Hebron, enyuŋ edɔhɔ edidem, ete, Se ibuot Ish-bosheth, eyen Saul, owo usua fo oro okoyomde uwem fo; ntem ke Jehovah ama osio usiene ye Saul, ye ubon esie, ɔnɔ ɔbɔŋ mi edidem mfin emi.

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

ŊWED MME PSALM 144:2

Ima mi ye ɔkpɔsɔŋ ubɔhɔ mi; edikoŋ ufɔk mi emi anamde mi mbɔhɔ; otu-ekɔŋ mi, emi nnyuŋ mmbuɔtde idem mi ye enye; emi anamde ikɔt mi esuk ibuot enɔ mi.

ŊWED MME PSALM 94:1

ABASI usiene, Jehovah; Abasi usiene, Yama!

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

1 SAMUEL 24:12

Jehovah osuk ekpe ikpe ke ufɔt mi ye afo, Jehovah osuk onyuŋ osio usiene ye afo ɔnɔ mi: edi ubɔk mi iditukke fi.

1 SAMUEL 25:30

Ndien ama ekem ke adaŋemi Jehovah edinamde ɔbɔŋ mi kpukpru ufɔn emi enye ɔkɔdɔhɔde abaŋa fi, edinyuŋ onimde fi ke etubom Israel;

1 SAMUEL 25:39

Ndien adaŋemi David okopde ete ke Nabal ama akpa, enye ɔdɔhɔ ete, Etoro Jehovah emi ɔkɔtɔhɔde utɔk ŋkpɔ but mi oro okotode ke ubɔk Nabal, okonyuŋ omumde owo esie, ete enye okunam idiɔk; koro Jehovah anamde idiɔk ido Nabal afiak ɔkɔtɔ enye ke ibuot. Ndien David ɔdɔŋ ekeneme nneme ye Abigail, ete ida enye idɔ.