2 SAMUEL 22:44 - Edisana ñwed Abasi Ibom

⁴⁴ Afo onyuŋ osio mi ke ubɔk mbio-obio mi, ekpeme mi, ete, ndi etubom mme idut; mbon emi mmemfiɔkke eyedi ikɔt mi.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Ntem ke enye onuk esit kpukpru mbio Judah nte owo kiet; ndien mmɔ edɔŋ ekedɔhɔ edidem, ete, Fiak di ye kpukpru ikɔt fo. Ekem edidem afiak edisim ke Jordan.

2 SAMUEL 19:9

Ekem kpukpru owo etɔhɔ utɔk ke otu kpukpru mme esien Israel, ete, Edidem akanyaŋa nnyin osio ke ubɔk mme asua nnyin, enye okonyuŋ anam nnyin ibɔhɔ mme Philistine ke ubɔk: ndien ke emi enye emefehe ɔkpɔŋ edem emi abaŋa Absalom.

2 SAMUEL 20:22

Ndien ŋwan oro ɔdɔhɔ Joab, ete, Sese, eyeda ibuot esie etie ke ibibene etop enɔ fi. Ndien ŋwan oro ada eti-ibuot esie etiene kpukpru mbio-obio. Ndien mmɔ ebigi Sheba eyen Bichri ibuot, emen etop enɔ Joab. Ndien enye ofuri ukorowo, ndien mmɔ esuana ekpɔŋ obio kpukpru owo eka ke tent mmɔ. Ndien Joab onyuŋ etiene edidem ke Jerusalem.

2 SAMUEL 3:1

NTRE ke ufɔk Saul eŋwana ekɔŋ ye ufɔk David ebigi; ndien David ɔdɔdiɔŋ ɔsɔŋ aka iso, edi ufɔk Saul ɔdɔdiɔŋ afiak edem.

2 SAMUEL 5:1

EKEM kpukpru esien Israel eka ke ɔtɔ David ke Hebron, ekedɔhɔ ete, Sese, nnyin idi ɔkpɔ fo ye obukidem fo.

ŊWED MME PSALM 110:6

Enye eyekpe ikpe ke otu mme idut, amanam mme okpo owo eyɔhɔ mmɔ; onyuŋ asuan ibuot ke akamba idut.

ŊWED MME PSALM 18:43

Afo eyenyaŋa mi osio ke utɔk mbio-obio; eyenim mi ke etubom mme idut; mbio emi mmemfiɔkke eyenam ŋkpɔ mi.

ŊWED MME PSALM 2:8

Beŋe mi, ndien nyenɔ fi mme idut ke udeme fo, nyenɔ mme utit ererimbot, nte afo ada enyene.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

ISAIAH 55:5

Sese, afo eyekot idut eke mufiɔkke, ndien idut eke mifiɔkke fi eyefehe ebine fi, abaŋa Jehovah ye Edisana Abasi Israel: koro enye ɔnɔde fi ubɔŋ.

ISAIAH 60:12

Koro eyesobo idut ye obio eke midinamke ŋkpɔ fo; mme idut oro eyenyuŋ ebiara fap.

ISAIAH 65:1

MMƆ eke mikebupke emebine mi; mmɔ eke mikoyomke mi emekut mi: mmɔdɔhɔ idut eke mikereke enyiŋ mi, nte, Se mi, se mi.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

HOSEA 2:23

Nyenyuŋ ntɔ enye ke isɔŋ nnɔ idem mi nnyuŋ ntua Lo-ruhamah mbɔm: nnyuŋ ndɔhɔ Lo-ammi, nte, Afo edi ikɔt mi; ndien enye eyedɔhɔ mi, ete, Abasi mi.

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

ŊWED MBON ROME 9:25

Nte emi Enye ɔdɔhɔde ke ŋwed Hosea ŋko, ete, Nyekot mmɔ emi mikedige ikɔt Mi, nte, ikɔt Mi, Nyenyuŋ ŋkot enye emi mikedige ŋkpɔ ima, nte edima ŋwan;

DEUTERONOMY 28:13

Ndien Jehovah eyenim fi ke ibuot, idinimke ke isim; afo eyenyuŋ odoro ke enyɔŋ-enyɔŋ, ududuhe ke idak; edieke afo edikopde mbet Jehovah Abasi fo emi ŋwukde fi mfin emi, nte ekpeme onyuŋ anam mmɔ:

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.