2 SAMUEL 21:9 - Edisana ñwed Abasi Ibom

⁹ enye emen mmɔ esin mme Gibeonite ke ubɔk, ndien mmɔ eyiri mmɔ ke obot ke iso Jehovah: ndien kpukpru mbitiaba oro eduɔŋɔ ini kiet, enyuŋ ewot mmɔ ke ini ukpeŋe ibokpot, ke akpa usen, ke eritɔŋɔ ukpeŋe barley.

2 SAMUEL 21:9 ပူးပေါင်းရင်းမြစ်များ

2 SAMUEL 21:6

yak eda owo oro ye nditɔ iren esie itiaba enɔ nnyin, man nnyin iyiri mmɔ inɔ Jehovah ke Gibeah Saul, emi Jehovah ekemekde. Ndien edidem ete, Ami nyenɔ.

2 SAMUEL 6:17

Ntre ke mmɔ emen ekebe Jehovah eduk, ekediɔk enye ke ɔtɔ esie, ke ufɔt tent emi David akanamde ɔnɔ enye: ndien David awa edifɔp uwa emem ke iso Jehovah.

2 SAMUEL 6:21

Ndien David ɔdɔhɔ Michal, ete, Ke iso Jehovah emi ɔkɔkpɔŋde usɔ, ye ofuri ufɔk esie, emek mi onim ke etubom ikɔt Jehovah, kpa Israel: oro esin mbre mbre ke iso Jehovah.

EXODUS 20:5

kunuhɔ unɔ mmɔ, kunyuŋ unam ŋkpɔ mmɔ: koro ami Jehovah Abasi fo ndi Abasi ufup, nda ukwaŋkpɔ mme ete ndori nditɔ ke idem, ndori ɔyɔhɔ emana mmɔ eke esuade mi ita ye inaŋ;

EXODUS 9:31

Ndien flax ye barley enuaha: koro barley otopde idem, flax onyuŋ ɔtɔŋɔ nditop idem.

EXODUS 9:32

Edi wheat ye spelt inuahake: koro mmɔ mika-ikɔrike.

NUMBERS 25:4

Jehovah onyuŋ ɔdɔhɔ Moses, ete, Da kpukpru mme etubom mbio emi; ndien yiri mmɔ oro ke iso utin nɔ Jehovah, man ifiopesit Jehovah ɔkpɔŋ Isarel.

DEUTERONOMY 21:22

Ke adaŋemi owo ediduede isop mkpa, ndien mmɔ eka ndiwot enye, afo ama onyuŋ eyiri enye ke eto:

RUTH 1:22

Ntem ke Naomi afiak edi, ye Ruth ŋwan Moab, ŋwan eyen esie ŋko, emi okotode ke idut Moab ɔnyɔŋ: ndien mmɔ esim Beth-lehem ke eritɔŋɔ ini ukpeŋe barley.

1 SAMUEL 15:33

Ndien Samuel ɔdɔhɔ ete, Kpa nte ofut fo ama ɔkɔbɔ iban nditɔ, kpa ntre ŋko ke uka edinana eyen akan iban. Ndien Samuel okpok Agag mbio-mbio ke iso Jehovah ke Gilgal.