2 SAMUEL 21:16 - Edisana ñwed Abasi Ibom

¹⁶ Ndien Ishbi-benob emi okotode ke nditɔ Raphah, emi udop eduat esie edide shekel okpoho ikie ita, onyuŋ ɔbɔbɔde obufa ofut, ekere ndiwot David.

2 SAMUEL 21:16 ပူးပေါင်းရင်းမြစ်များ

GENESIS 14:5

Ekem ke ɔyɔhɔ isua duopenaŋ, Chedorlaomer ye ndidem emi esaŋade ye enye, edi edisuan mme Rephaim ke Ashteroth-karnaim, ye mme Zuzim ke Ham, ye mme

GENESIS 6:4

Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.

2 SAMUEL 21:18

Ekem ke ini oro ebede, mmɔ etɔŋɔ ntak eŋwana ekɔŋ ye mme Philistine ke Gob: ndien Sibbechai Hushathite owot Saph emi okotode ke nditɔ Raphah.

2 SAMUEL 21:20

Ekɔŋ eŋwen onyuŋ ɔtɔŋɔ ntak odu ke Gath, ndien anyan owo odu do, emi nnuenubɔk esie ye nnuenukot esie edide itiokiet, itiokiet, ewɔrɔ edip ye inaŋ ke ibat; enye okonyuŋ amama ɔnɔ Raphah.

2 SAMUEL 21:22

Mme mmɔ emi mbinaŋ ekemana enɔ Raphah ke Gath, ndien mmɔ eduɔŋɔ ke ubɔk David, ye ke ubɔk ikɔt esie.

2 SAMUEL 5:18

Ndien mme Philistine edi ediyɔhɔ ke itihere Rephaim.

NUMBERS 13:22

Ndien mmɔ edɔk ke edem usuk, ekesim Hebron; ndien Ahiman, ye Sheshai, ye Talmai, nditɔ Anak, edu do. (Ndien ekebem iso ebɔp Hebron, ndien edibɔp Zoan ke Egypt ke isua itiaba ema ekebe.)

NUMBERS 13:28

Edi mme mmɔ emi eduŋde ke isɔŋ oro edi mkpɔsɔŋ, mme obio enyuŋ enyene ibibene, enyuŋ ekponi eti-eti: nnyin ima inyuŋ ikut nditɔ Anak do ŋko-ŋko.

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 2:10

Mme Emim ekeduŋ ke esit akpa, ikpɔ owo, ewak, enyuŋ ekoŋ idaha, nte nditɔ Anak;

DEUTERONOMY 2:11

emi ekebatde mmɔ ŋko ke Rephaim, nte nditɔ Anak: edi Moab ekot mmɔ ete, Emim.

DEUTERONOMY 2:21

mbon oro ekponi, enyuŋ ewak, enyuŋ ekoŋ idaha, nte nditɔ Anakim; ndien Jehovah osobo mmɔ efep ke iso mmɔ; ndien mmɔ ebɔ mmɔ isɔŋ, enyuŋ eduŋ ke itie mmɔ:

DEUTERONOMY 3:11

(Koro Og ɔbɔŋ Bashan ikpɔŋ ɔsuhɔde ke otu mme Rephaim efen; sese, bed esie onyuŋ edi bed ukwak; nte idige enye odu ke Rabbah nditɔ Ammon? uniɔŋ esie edi ibio idomo-okuk usukiet, ubom esie ɔnyuŋ edi ibio idomo-okuk inaŋ, nte idomo owo asaŋade.)

DEUTERONOMY 9:2

Mbio emi ekponide enyuŋ ekoŋide, nditɔ Anakim, emi afo ɔfiɔkde, onyuŋ okopde abaŋa, ete, Anie ekeme ndida ke iso nditɔ Anak?

JOSHUA 11:22

Isuhɔke baba eyen Anak kiet ke isɔŋ nditɔ Israel: edi esuhɔ ke Gaza, ye ke Gath, ye ke Ashdod:

JOSHUA 15:14

Ndien Caleb osio nditɔ Anak ita ke ɔtɔ oro efep, Sheshai, ye Ahiman, ye Talmai, nditɔ Anak.

1 SAMUEL 17:7

Eto eduat esie onyuŋ ebiet eto mme ɔdɔk-ɔfɔŋ; idem eduat esie onyuŋ edi shekel ukwak ikie itiokiet: andibiom otu-ekɔŋ onyuŋ ebem enye iso.