2 SAMUEL 21:10 - Edisana ñwed Abasi Ibom

¹⁰ Ndien Rizpah eyen Aiah aŋwan ada ɔfɔŋ ikpo ebri ke enyɔŋ itiat ɔnɔ idem esie, ke eritɔŋɔ ukpeŋe, tutu mmɔŋ oto ke enyɔŋ edep mmɔ ke idem, enye inyuŋ iyakke mme inuen enyɔŋ esɔrɔ mmɔ ke idem ke uwemeyo, inyuŋ iyakke mme unam ikɔt etuk mmɔ ke okoneyo.

2 SAMUEL 21:10 ပူးပေါင်းရင်းမြစ်များ

GENESIS 40:19

Ayak usen ita Pharaoh eyemenere ibuot fo esibe efep, eyenyuŋ eyiri fi ke eto; ndien inuen eyekɔŋ obukidem fo eta.

2 SAMUEL 21:11

Ekem mmɔ emen se Rizpah eyen Aiah aŋwan, ŋwan-esa Saul akanamde,esian David.

2 SAMUEL 3:7

Ndien Saul ekenyene ŋwan-esa kiet, ekere Rizpah, eyen Aiah aŋwan: ndien Ish-bosheth ɔdɔhɔ Abner, ete, Afo anam didie okot ŋwan-esa ete mi?

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

EZEKIEL 39:4

Afo eyeduɔ ke ikpɔ obot Israel, kpa afo ye ofuri udim fo, ye mbon emi edude ye afo: nyeda fi nnɔ inuen kpukpru oruk mba, ye unam ikɔt, eta.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

JOEL 1:18

Ufene enam didie emum mmum! mme otu enaŋ etimere, koro mbiet eke etade miduhe; mme otu ŋkpri ufene emenyuŋ esobo.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.

DEUTERONOMY 21:13

ndien yak enye osio ɔfɔŋ-idem eke enye esinede ke ini ekemumde enye, efep ke idem esie, onyuŋ etie ke ufɔk fo, onyuŋ atua ete esie ye eka esie ke ɔfiɔŋ kiet: ndien tiene enye, nyuŋ di ebe esie enye onyuŋ edi ŋwan fo.

DEUTERONOMY 21:22

Ke adaŋemi owo ediduede isop mkpa, ndien mmɔ eka ndiwot enye, afo ama onyuŋ eyiri enye ke eto:

DEUTERONOMY 21:23

kuyak okpo esie adaŋ ke eto ofuri okoneyo, kunyuŋ utre ndibuk enye kpa usen oro: koro se eyiride edi ŋkpɔ isuŋi Abasi; kubiat ndien isɔŋ fo emi Jehovah Abasi fo ɔnɔde fi ke udeme.

1 SAMUEL 17:44

Philistine onyuŋ ɔdɔhɔ David, ete, Diken, ndien nyeda obukkidem fo nnɔ mme inuen enyɔŋ, ye mme unam ikɔt.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.