2 SAMUEL 20:6 - Edisana ñwed Abasi Ibom

⁶ Ndien David ɔdɔhɔ Abishai, ete, Ke emi Sheba eyen Bichri eyenam nnyin idiɔk akan Absalom: afo da ikɔt usɔ kebine enye, mbak enye edisim obio ibibene, onyuŋ osio nnyin enyin.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Ndien adaŋemi nditɔ Ammon ekutde ete ke Syria emefeŋe, mmɔ enyuŋ efeŋe ke iso Abishai, ekeduk ke obio. Ekem Joab ɔkpɔŋ nditɔ Ammon, ɔnyɔŋ ke Jerusalem.

2 SAMUEL 11:11

Ndien Uriah ɔdɔhɔ David, ete, Ekebe (Jehovah), ye Israel, ye Judah, ke etie ke ataya; etubom mi, Joab, ye ikɔt ɔbɔŋ mi, enyuŋ enena ke ntaŋwaŋ ebiet; nte ami ndiduk ke ufɔk mi, ndien, ndidia ŋkpɔ, nnyuŋ ŋŋwɔŋ, nnyuŋ ndaŋ ye ŋwan mi? Ma uwem fo, ye uwem ukpɔŋ fo, ndinamke ŋkpɔ emi.

2 SAMUEL 18:12

Ndien owo oro ɔbɔrɔ Joab, ete, Ami mma ŋkpodomo tɔsin shekel ke eka-ubɔk mi, ŋkpanyanke ubɔk mi ntuk eyen edidem: koro ke utɔŋ nnyin ke edidem okowuk fi, ye Abishai, ye Ittai, ete, Mbufo kpukpru ekpeme eyen oro kpa Absalom.

2 SAMUEL 18:2

Ndien David ɔdɔŋ ɔyɔhɔ ubak mbɔn-ekɔŋ ita, ete esaŋa ye Joab, onyuŋ ɔdɔhɔ ɔyɔhɔ ubak ita, ete esaŋa ye Abishai eyen Zeruiah, eyeneka Joab, ɔyɔhɔ ubak ita eken enyuŋ esaŋa ye Ittai Gittite. Ndien edidem ɔdɔhɔ kpukpru owo, ete, Ami nde mmɔŋ ŋwɔrɔ ye mbufo.

2 SAMUEL 19:7

Kam daha ke enyɔŋ kɔdɔhɔ eti ikɔ ye ikɔt fo: koro mmɔŋwɔŋɔ ma Jehovah, nte ke mmuwɔrɔke, baba owo kiet iditiehe ye afo ke okoneyo emi; ndien oro eyediɔk fi akan kpukpru mme idiɔk-ŋkpɔ eke ekananam enamde fi, toto ke ini uyen fo tutu osim emi.

2 SAMUEL 2:18

Nditɔ Zeruiah ita enyuŋ edu do ŋko, Joab, ye Abishai, ye Asahel: Asahel onyuŋ ɔsɔp ukot nte edop kiet ke otu edop ikɔt.

2 SAMUEL 21:17

Edi Abishai eyen Zeruiah anyaŋa enye, onyuŋ ɔtɔ Philistine oro owot. Ndien ikɔt David ewuk enye, ete Afo kuwɔrɔ aba utiene nnyin uka ekɔŋ, kunyuŋ unime utuenikaŋ Israel.

2 SAMUEL 23:18

Ndien Abishai, eyen-eka Joab, eyen Zeruaih edi etubom ita oro. Ndien enye ekemenere eduat esie aŋwana ye owo ikie ita, owot, onyuŋ ɔwɔrɔ etop ke otu mbita oro.

2 SAMUEL 3:30

Ntre ke Joab ye Abishai eyeneka esie ewot Abner, koro enye okowotde Asahel eyeneka mmɔ ke ekɔŋ ke Gibeon.

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

1 NDIDEM 1:33

Ndien edidem ɔdɔhɔ mmɔ, ete, Mbufo eda ikɔt ɔbɔŋ mbufo ye esaŋa mbufo enyuŋ edori Solomon eyen mi ke mule emi edide okimmɔ, enyuŋ eda enye esuhɔre eka ke Gihon:

1 CHRONICLES 11:20

Ndien edi Abishai eyen-eka Joab edi etubom mbita oro. Enye ekemen eduat esie, akan owo ikie ita, owot, onyuŋ enyene enyiŋ ke otu mbita oro.

1 CHRONICLES 18:12

Abishai eyen Zeruiah onyuŋ asuan Edomite, tɔsin owo efureta,

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

MARK 3:24

Edieke obio edidem abaharede ada aŋwana ye idem esie, obio oro ikemeke ndisɔŋɔ nda.

1 SAMUEL 26:6

Ndien David ɔbɔrɔ Ahimelech Hittite, ye Abishai eyen Zeruiah, eyen-eka Joab, ete, Anie editiene mi ɔsuhɔre ke ɔtɔ Saul ke nna-ekɔŋ? Ndien Abishai ɔdɔhɔ ete, Ami nyetiene fi nsuhɔre.