2 SAMUEL 20:12 - Edisana ñwed Abasi Ibom

¹² Ndien Amasa amamiaŋa ke iyip ke ufɔt ɔkpɔ-usuŋ. Ndien adaŋemi owo oro okutde nte kpukpru owo etuakde eda, enye emen Amasa ke ɔkpɔ-usuŋ efep, esin ke iŋwaŋ, onyuŋ ada ɔfɔŋ-idem ofuk enye, adaŋemi enye okutde nte kpukpru owo eke esimde enye etuakde eda.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Ndien Absalom onim Amasa ke etubom mbon-ekɔŋ ke ibuot Joab: ndien Amasa edi eyen owo ekere Ithra, Israelite kiet, emi okokotde Abigail, eyen Nahash aŋwan, eyeneka Zuruiah eka Joab aŋwan.

2 SAMUEL 2:23

Edi enye inyimeke ndiwɔŋɔre: ndien Abner ada etak eduat okim enye ke idibi, eduat onyuŋ oyuɔwɔrɔ enye ke edem; ndien enye ɔduɔ ke isɔŋ do, onyuŋ akpa ke ɔtɔ oro: ndien edikem kpukpru owo eke esimde ebiet oro Asahel ɔduɔde ke isɔŋ akpa, etuak eda.

2 SAMUEL 20:11

Ndien akparawa Joab kiet ada ekpere enye, onyuŋ ɔdɔhɔ ete, Yak owo eke amade Joab, ye eke adade ye David, etiene Joab.

2 SAMUEL 20:13

Adaŋemi eke emende enye ke ɔkpɔ-usuŋ efep, kpukpru owo ebe etiene Joab, man ebine Sheba eyen Bichri.

ŊWED MME PSALM 55:23

Ndien afo, O Abasi, eyenam mmɔ esuhɔre ke obube mbiara: mbon afai ye eke abiaŋa ididuhe ibio uwem mmɔ; edi ami nyebuɔt idem mi ye afo.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.