2 SAMUEL 20:10 - Edisana ñwed Abasi Ibom

¹⁰ Edi Amasa isehe ofut oro odude Joab ke ubɔk: ndien enye (Joab) okim enye ke idibi, osioŋo nsia esie ɔduɔk ke isɔŋ, itɔŋɔke ntak ikim enye; ndien enye akpa. Ndien Joab ye Abishai eyen-ete esie ebine Sheba eyen Bichri.

2 SAMUEL 20:10 ပူးပေါင်းရင်းမြစ်များ

GENESIS 4:8

Ndien Cain ɔdɔhɔ ikɔ ye Abel, eyen-eka esie: edikem, ke mmɔ edude ke iŋwaŋ, Cain adaha ke enyɔŋ anam ikɔ ye Abel eyen-eka esie, onyuŋ owot enye.

2 SAMUEL 2:23

Edi enye inyimeke ndiwɔŋɔre: ndien Abner ada etak eduat okim enye ke idibi, eduat onyuŋ oyuɔwɔrɔ enye ke edem; ndien enye ɔduɔ ke isɔŋ do, onyuŋ akpa ke ɔtɔ oro: ndien edikem kpukpru owo eke esimde ebiet oro Asahel ɔduɔde ke isɔŋ akpa, etuak eda.

2 SAMUEL 20:9

Ndien Joab ɔdɔhɔ Amasa, ete, Mmɔkɔm fi, eyen-ete mi. Joab onyuŋ ada ubɔk nnasia omum Amasa ntaŋebek, ete itim enye inua.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

1 CHRONICLES 12:2

mmɔ edi ata-utiga ke ubɔk nnasia ye ke ubɔk ufien, efiɔk nditop itiat, enyuŋ efiɔk nditop idaŋ ke utiga, mmɔ enyuŋ eto ke nditɔ ete Saul eyen Benjamin.

JEREMIAH 41:2

Ndien Ishmael eyen Nethaniah, ye owo duop oro edude ye enye, edaha ke enyɔŋ ekpi Gedaliah eyen Ahikam, eyen Shaphan, ke ofut, ewot enye, emi edidem Babylon okonimde ke etubom isɔŋ.

NUMBERS 35:20

Ndien edieke enye okokoide koi okim owo ke usua, mme etetie ebet, ndien otop ŋkpɔ ɔtɔ owo owot;

JUDGES 3:15

Ekem adaŋemi nditɔ Israel esemede enɔ Jehovah, Jehovah edemere andiyaŋa kiet ɔnɔ mmɔ, kpa Ehud eyen Gera, eyen Benjamin kiet, owo ufien: ndien nditɔ Israel esin enye enɔ ke ubɔk, ete enye ada ɔsɔk Eglon edidem Moab.

JUDGES 3:21

Ndien enye adaha ke itie esie ada. Ndien Ehud anyan ubɔk ufien esie osio ikwa ke ifuhi nnasia esie, ndien onuk esin enye ke idibi;

1 SAMUEL 26:8

Ndien Abishai ɔdɔhɔ David, ete, Abasi amada usua fo esin fi ke ubɔk mfin emi: mbɔk, kam yak nda eduat ŋkim enye ndian ke isɔŋ ini kiet, ndien ndikim ke enye utim ikaba.