2 SAMUEL 20:1 - Edisana ñwed Abasi Ibom

¹ NDIEN oburobut owo kiet odu do ekere Sheba, eyen Bichri, eyen Benjamin; ndien enye ofuri ukorowo, onyuŋ ɔdɔhɔ ete, Nnyin inyeneke ubak idem David, inyuŋ inyeneke udeme idem eyen Jesse: yak kpukpru owo enyɔŋɔ ke tent mmɔ, O Israel.

2 SAMUEL 20:1 ပူးပေါင်းရင်းမြစ်များ

GENESIS 46:21

Ye nditɔ Benjamin; Bela ye Becher, ye Ashbel, ye Gera, ye Naaman, ye Ehi, ye Rosh, ye Muppim, ye Huppim, ye Ard.

2 SAMUEL 15:10

Ekem Absalom ɔdɔŋ mbon-uyep, ete esaŋa ke kpukpru esien Israel, edɔhɔ ete, Ke ini mbufo edikopde uyo ukorowo, mbufo edɔhɔ ndien, ete, Absalom amada ubɔŋ ke Hebron.

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

2 SAMUEL 16:7

Shimei onyuŋ ɔdɔhɔ ntem, nte enye osuŋide, ete Wɔrɔ, wɔrɔ, afo owo iyip, ye oburobut owo:

2 SAMUEL 18:17

Ndien mmɔ eda Absalom eduɔk ke akamba obube ke akai oro, enyuŋ ekubi enye ata akamba ebok itiat ke idem: kpukpru nditɔ Israel enyuŋ efeŋe eka ke mme tent mmɔ.

2 SAMUEL 20:2

Ntre ke kpukpru nditɔ Israel ekpɔŋ David edɔk, etiene Sheba, eyen Bichri: edi nditɔ Judah eyire ye edidem mmɔ, ɔtɔŋɔde ke Jordan tutu osim ke Jerusalem.

2 SAMUEL 20:22

Ndien ŋwan oro ɔdɔhɔ Joab, ete, Sese, eyeda ibuot esie etie ke ibibene etop enɔ fi. Ndien ŋwan oro ada eti-ibuot esie etiene kpukpru mbio-obio. Ndien mmɔ ebigi Sheba eyen Bichri ibuot, emen etop enɔ Joab. Ndien enye ofuri ukorowo, ndien mmɔ esuana ekpɔŋ obio kpukpru owo eka ke tent mmɔ. Ndien Joab onyuŋ etiene edidem ke Jerusalem.

2 SAMUEL 23:6

Ama edi mme oburobut owo, mmɔ eyebiet mbarekpe eke emende etop eduɔk; koro mikemeke ndimum mmɔ ke ubɔk:

1 NDIDEM 12:16

Ekem adaŋemi ofuri Israel ekutde ete ke edidem ikopke uyo mmimɔ, mmɔ ebɔrɔ edidem, ete, Nnyin inyene nso ubak ke David? Nnyin inyuŋ inyeneke udeme eyen Jesse: mbufo, O Israel, enyɔŋɔ ke mme tent mbufo: kam se ufɔk fo, O David.

1 NDIDEM 21:10

enyuŋ eda owo iba, mme oburobut owo, enim enye ke iso, man etiŋ ikɔ ntiense ebaŋa enye, ete, Afo okosuŋi Abasi ye edidem. Ndien mbufo esio enye, enyuŋ etɔŋɔ enye ke itiat, ewot.

2 CHRONICLES 10:16

Ndien adaŋemi ofuri Israel ekutde, ete ke edidem ikopke uyo mmimɔ, mbon oro ebɔrɔ edidem, ete, Ewe ubak ke nnyin inyene ke David? Nnyin inyuŋ inyeneke udeme eyen Jesse. Yak kpukpru owo enyɔŋɔ ke mme tent mmɔ, O Israel! David, se ndien ufɔk fo. Ndien ofuri Israel enyɔŋɔ ke tent mmɔ.

2 CHRONICLES 10:6

Ndien edidem Rehoboam osop ibuot ye mbiowo oro ekedade ke iso Solomon ete esie, adaŋemi enye odude uwem, ete Mbufo eteme didie, nte ndibɔrɔde mbon emi?

ŊWED MME PSALM 17:13

Dada ke enyɔŋ O Jehovah, biɔŋɔ enye ke iso, men enye duɔk ke isɔŋ: da ofut fo nam ukpɔŋ mi ɔbɔhɔ mme idiɔk owo:

ŊWED MME PSALM 34:19

Ediwak ukut esim eti owo; edi Jehovah osio enye ke mmɔ kpukpru.

MME ŊKE 25:8

Kusɔp uwɔrɔ utɔk, mbak afo edinam ŋkpɔ ke utit, adaŋemi mbɔhiduŋ fo esinde fi but.

MME ŊKE 26:21

Ukaŋ ke eke ebok ikaŋ, ye ifia ke eke ikaŋ; kpa ntre owo ikɔ anam utɔk obubere.

MARK 3:24

Edieke obio edidem abaharede ada aŋwana ye idem esie, obio oro ikemeke ndisɔŋɔ nda.

LUKE 19:14

Edi mbio-obio esie esua enye, enyuŋ edɔŋ mme isuŋutom etiene enye ke edem, ete, Nnyin iyomke owo emi akara nnyin.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

DEUTERONOMY 13:13

Ndusuk nditɔ Belial ema ewɔŋɔ ke otu mbufo, ema enyuŋ enam mbio-obio mmɔ ewaha, ete, Eyak nnyin ika ikanam ŋkpɔ mme abasi efen, eke mbufo mikɔfiɔkke:

JUDGES 19:22

Ke ini mmɔ edatde esit ntre, sese, mbio-obio eke edide mme oburobut owo, edikan ufɔk ekuk, etuak usuŋ, enyuŋ edɔhɔ akani-eren oro, ete ufɔk, ete, Da eren oro okodukde ke ufɔk fo, wɔrɔ di, man nnyin ifiɔk enye.

JUDGES 3:27

Edikem adaŋemi enye edide, enye ofuri ukorowo ke obot Ephraim, ndien nditɔ Israel etiene enye eto ke obot esuhɔre, enye onyuŋ ebem mmɔ iso.

RUTH 2:3

Ndien enye aka ke iŋwaŋ asaŋa ke edem mmɔ eke ekpeŋede, ataŋ: ndien enye ediyoho ɔwɔrɔ ke iŋwaŋ emi enyenede Boaz emi otode ke oruk Elimelech.

1 SAMUEL 13:2

Saul emek tɔsin owo ita ke Israel; ndien tɔsin iba edu ye Saul ke Michmash ye ke obot Bethel, tɔsin kiet eken enyuŋ edu ye Jonathan ke Gibeah Benjamin: enye onyuŋ ayak kpukpru owo eŋwen enyɔŋɔ ke mme tent mmɔ.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.

1 SAMUEL 30:22

Ndien kpukpru mme idiɔk ye mme oburobut owo ke otu mbio oro ekesaŋede ye David, ebɔrɔ, ete, Koro mmɔ mikasaŋake ye nnyin, nnyin ikunɔ mmɔ ubak mbume emi nnyin ikanyaŋade, ke mibɔhɔke nnyin ndinɔ kiet kiet ŋwan esie ye nditɔ esie, man eda mmɔ enyɔŋ.