2 SAMUEL 2:4 - Edisana ñwed Abasi Ibom

⁴ Ndien nditɔ Judah eka ekeyet David aran do, enim ke edidem ufɔk Judah. Ekem etiŋ enɔ David, ete ke edi mbio - obio Jabesh - Gilead ekebuk Saul.

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Edidem David onyuŋ ɔdɔŋ ekedɔhɔ Zadok ye Abiathar mme oku, ete, Mbufo edɔhɔ mbiowo Judah, ete, Nsinam mbufo edide ekpere edem ke ndida edidem mfiak ke ufɔk esie? sia uyo ofuri Israel ama osim edidem, kpa ke ufɔk esie?

2 SAMUEL 19:42

Ndien kpukpru nditɔ Judah ebɔrɔ nditɔ Israel, ete, Koro edidem edide oruk nnyin: nsinam ndien esit ayatde mbufo ntem abaŋa ikɔ emi? Nte nnyin ikedia ŋkpɔ edidem? Nte ekebɔ enye ŋkpɔ enɔ nnyin?

2 SAMUEL 2:11

Ndien ibat isua emi David edide edidem ufɔk Judah ke Hebron edi isua itiaba ye ɔfiɔŋ itiokiet.

2 SAMUEL 2:7

Mbufo esɔŋɔ ubɔk, ndien, enyuŋ edi mbon uko: koro ete mbufo Saul amakpa, ufɔk Judah ŋko ema enyuŋ eyet mi aran enim ke edidem mmɔ.

2 SAMUEL 21:11

Ekem mmɔ emen se Rizpah eyen Aiah aŋwan, ŋwan-esa Saul akanamde,esian David.

2 SAMUEL 21:12

Ndien David aka ɔkɔbɔ mme ɔkpɔ Saul, ye mme ɔkpɔ Jonathan eyen esie ke ubɔk mbio-obio Jabesh Gilead oro ekeyipde mmɔ ke aŋwa Bethshan, ke ɔtɔ oro mme Philistine ekekɔŋde mmɔ, ke ini mme Philistine ekewotde Saul ke Gilboa:

2 SAMUEL 5:17

Ekem adaŋemi mme Philistine ekopde ete ke ema eyet David enim ke edidem Israel, kpukpru mme Philistine edɔk ekeyom David; ndien ke ini David okopde, enye ɔsuhɔre aka ke ɔkpɔsɔŋ ebiet oro.

2 SAMUEL 5:3

Ntre ke kpukpru mbiowo Israel etiene edidem ke Hebron; ndien edidem David onyuŋ odiomi ediomi ye mmɔ ke Hebron ke iso Jehovah: ndien mmɔ eyet David aran enim ke edidem Israel.

2 SAMUEL 5:5

Enye edi edidem Judah ke Hebron ke isua itiaba ye ɔfiɔŋ itiokiet; onyuŋ edi edidem ofuri Israel ye Judah ke Jerusalem ke isua edip ye duopeta.

2 NDIDEM 11:12

ekan edidem ekuk. Ndien enye ada eyen edidem ɔwɔrɔ, onyuŋ ayara enye anyanya ke ibuot, onyuŋ ɔnɔ enye ŋwed-ibet; ntre ke mmɔ enim enye ke edidem, enyuŋ eyet enye aran; ndien mmɔ ekwak ubɔk, ete, Yak edidem odu uwem.

1 CHRONICLES 10:11

Ekem ke ini ofuri Jabeshgilead ekopde kpukpru se mme Philistine ekenamde Saul.

1 CHRONICLES 11:3

Ekem kpukpru mbiowo Israel eka ke ebiet edidem ke Hebron; ndien David anam ediomi ye mmɔ ke Hebron ke iso Jehovah, ndien mmɔ eyet David aran enim ke edidem Israel, ekem ke uyo Jehovah, ke inua Samuel.

1 CHRONICLES 12:23

Ndien mme mmɔ emi edi ibat mme etubom mmɔ eke ebɔbɔde mbɔbɔ-ekɔŋ, etiene David ke Hebron, ndida ubɔŋ Saul ŋkabare nnɔ enye, ke uyo Jehovah.

1 SAMUEL 16:13

Ntre Samuel ada nduk aran eyet enye idem ke otu nditɔ-ete esie: ndien spirit Jehovah oduk David ke idem toto ke usen oro, aka iso. Ndien Samuel adaha ɔnyɔŋ Ramah.