2 SAMUEL 2:23 - Edisana ñwed Abasi Ibom

²³ Edi enye inyimeke ndiwɔŋɔre: ndien Abner ada etak eduat okim enye ke idibi, eduat onyuŋ oyuɔwɔrɔ enye ke edem; ndien enye ɔduɔ ke isɔŋ do, onyuŋ akpa ke ɔtɔ oro: ndien edikem kpukpru owo eke esimde ebiet oro Asahel ɔduɔde ke isɔŋ akpa, etuak eda.

2 SAMUEL 2:23 ပူးပေါင်းရင်းမြစ်များ

2 SAMUEL 2:24

Ntre ke Joab ye Abishai ebine Abner: ndien utin osop ke ini mmɔ esimde obot Ammah, emi asakde iso ese Giah ke usuŋ wilderness Gibeon.

2 SAMUEL 20:10

Edi Amasa isehe ofut oro odude Joab ke ubɔk: ndien enye (Joab) okim enye ke idibi, osioŋo nsia esie ɔduɔk ke isɔŋ, itɔŋɔke ntak ikim enye; ndien enye akpa. Ndien Joab ye Abishai eyen-ete esie ebine Sheba eyen Bichri.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 3:30

Ntre ke Joab ye Abishai eyeneka esie ewot Abner, koro enye okowotde Asahel eyeneka mmɔ ke ekɔŋ ke Gibeon.

2 SAMUEL 4:6

Ndien mmɔ ebiom wheat ebe eduk do ke ufɔt ufɔk, ekekim enye ke idibi: ndien Rechab ye Baanah eyeneka esie efehe.

2 SAMUEL 5:6

Ekem edidem ye ikɔt esie eka Jerusalem, ete iŋwana ekɔŋ ye mme Jebusite, mme andiduŋ isɔŋ oro: ndien mmɔ edɔhɔ David, ete, Afo ududukke mi, edi mme nnan ye mme mbuŋɔ eyekpan fi: ete ke, David ididukke mi.