2 SAMUEL 19:9 - Edisana ñwed Abasi Ibom

⁹ Ekem kpukpru owo etɔhɔ utɔk ke otu kpukpru mme esien Israel, ete, Edidem akanyaŋa nnyin osio ke ubɔk mme asua nnyin, enye okonyuŋ anam nnyin ibɔhɔ mme Philistine ke ubɔk: ndien ke emi enye emefehe ɔkpɔŋ edem emi abaŋa Absalom.

2 SAMUEL 19:9 ပူးပေါင်းရင်းမြစ်များ

2 SAMUEL 15:14

Ndien David ɔdɔhɔ kpukpru ikɔt esie emi edude ke Jerusalem ye enye, ete, Mbufo edaha ke enyɔŋ, nnyin ifeŋe; koro minyeneke nte nnyin idibɔhɔde ke iso Absalom: mbufo, emen idem edaŋa, mbak enye edide edibuat nnyin, onyuŋ ada idiɔk-ŋkpɔ oro anam nnyin, onyuŋ osobo obio ke iso ofut.

2 SAMUEL 18:17

Ndien mmɔ eda Absalom eduɔk ke akamba obube ke akai oro, enyuŋ ekubi enye ata akamba ebok itiat ke idem: kpukpru nditɔ Israel enyuŋ efeŋe eka ke mme tent mmɔ.

2 SAMUEL 19:10

Absalom emi nnyin ikeyetde aran inim ke etubom nnyin omonyuŋ akpa ke ekɔŋ. Ke didie ndien ke mbufo etre ndida edidem mfiak?

2 SAMUEL 19:40

Ntre ke edidem ebe aka ke Gilgal, Chimham onyuŋ etiene enye ebe; ndien kpukpru nditɔ Judah ye ubak nditɔ Israel ŋko eda edidem ebe.

2 SAMUEL 22:44

Afo onyuŋ osio mi ke ubɔk mbio-obio mi, ekpeme mi, ete, ndi etubom mme idut; mbon emi mmemfiɔkke eyedi ikɔt mi.

2 SAMUEL 5:20

Ekem David aka ke Baal-perazim, David onyuŋ asuan mmɔ do, onyuŋ ɔdɔhɔ ete, Jehovah ama ebem mi iso obumere mme asua mi, kpa nte mmɔŋ obumerede ɔwɔrɔ. Mmɔdo enye osiode ebiet oro enyiŋ Baal-perazim.

ŊWED MME PSALM 18:43

Afo eyenyaŋa mi osio ke utɔk mbio-obio; eyenim mi ke etubom mme idut; mbio emi mmemfiɔkke eyenam ŋkpɔ mi.

EXODUS 32:24

Ndien ndɔhɔ mmɔ nte, Yak owo eke enyenede gold, okibi enye efep. Ndien mmɔ eda enye esɔk mi; ndien ami nnyuŋ nsin enye ke ikaŋ: ndien eyen enaŋ emi ɔwɔrɔ.

1 SAMUEL 17:50

Ntre ke David ada utop-itiat ye itiat akan Philistine oro, onyuŋ ɔtɔ Philistine owot; edi ofut iduhe David ke ubɔk.

1 SAMUEL 18:25

Ndien Saul ɔdɔhɔ ete, Ntem ke mbufo edidɔhɔ David, ete, Edidem iyomke ŋkpɔ ndɔ; ke mibɔhɔke edut mme Philistine ikie, man enye osio usiene ye mme asua edidem. Edi Saul ekere ndiwot David ke ubɔk mme Philistine.

1 SAMUEL 19:5

ndien enye ekesin uwem esie ke ubɔk esie okowot Philistine oro, Jehovah okonyuŋ anam akamba erinyaŋa ɔnɔ ofuri Israel; afo ama okut, onyuŋ adat esit: nsinam ndien afo oyomde ndinam idiɔk ye iyip owo emi miduehe, ke ndiwot David ke ikpikpu?