2 SAMUEL 19:24 - Edisana ñwed Abasi Ibom

²⁴ Ndien Mephibosheth eyen Saul ɔsuhɔre edi ndisobo ye edidem, ndien enye ikeyetke ukot esie, ikonyuŋ idiɔŋke ntaŋebek esie, ikonyuŋ iyetke edisine-ŋkpɔ esie, toto usen oro edidem akadahade, tutu osim usen emi enye afiakde ke ifure.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

2 SAMUEL 15:30

Ekem David ɔdɔk ke obot Olive, ɔdɔk, atuak eyet, onyuŋ ɔfuhɔ ŋkpɔ ke ibuot esie, onyuŋ asaŋa ɔfiɔn ikpat; ndien kpukpru owo eke edude ye enye enyuŋ efuhɔ ibuot mmɔ; mmɔ enyuŋ edɔk, etua eyet ŋko.

2 SAMUEL 16:3

Ndien edidem obup ete, Enye eyen usɔ ŋko? Ndien Ziba ɔbɔrɔ edidem, ete, Sese, enye ke etie ke Jerusalem: koro enye ɔdɔhɔde ete, Mfin emi ufɔk Israel eyeyak ubɔŋ ete mi ɔnɔ mi.

2 SAMUEL 9:11

Ndien Ziba ɔbɔrɔ edidem, ete, Owo fo eyenam kpukpru se ɔbɔŋ mi edidem etemede owo esie. “Ndien Mephibosheth eyedia ŋkpɔ ke okpokoro mi, nte eyen edidem kiet.”

1 NDIDEM 2:8

Ndien, sese, Shimei eyen Gera, eyen Benjamin, emi otode ke Bahurim, mmɔ mi ye afo: enye okosuŋi mi ata idiɔk isuŋi ke usen oro ŋkade Mahanaim: edi enye ɔsuhɔre aka ke Jordan okosobo ye ami, ndien ami ntomo Jehovah nnɔ enye, nte, Ndiwotke fi ke ofut.

EXODUS 19:10

Ndien Jehovah ɔdɔhɔ Moses, ete, Ka ketiene kpukpru owo, nyuŋ nam mmɔ esana mfin emi ye mkpɔŋ, nam enyuŋ eyet edisine-ŋkpɔ mɔ,

ISAIAH 15:2

Mmɔ edɔk ke Bayith, ye ke Dibon, ye mme edikoŋ obot, man etua eyet: Moab ke atua ke Nebo, ye ke Medeba: ibɔ odu ke kpukpru ibuot mmɔ, emekporo kpukpru ntaŋebek.

JEREMIAH 41:5

ndusuk owo eto ke Shechem, ye ke Shiloh, ye ke Samaria, owo anaŋ, emi ekporode ntaŋ-ebek, enyuŋ ewaide edisine-ŋkpɔ mmɔ, enyuŋ ekpide idem mmɔ, edi ye inuak-udia ye frankincense ke ubɔk, ke eyom ndida mmɔ nsɔk ke ufɔk Jehovah.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

ŊWED MBON ROME 12:15

Edara ye mmɔ emi edarade; etuaŋa ye mmɔ emi etuaŋade.

MME HEBREW 13:3

Eti mmɔ emi edude ke ŋkpɔkɔbi, nte ŋkpɔ eke ekɔbide mbufo ye mmɔ; enyuŋ eti mmɔ emi ekutde utuk, sia mbufo ŋko edude ke ikpɔhidem.