2 SAMUEL 19:22 - Edisana ñwed Abasi Ibom

²² Ndien David ɔdɔhɔ ete, Ami nsaŋa nso ye mbufo, nditɔ Zeruiah! Koro mbufo edide mme asua mi mfin emi. Nte owo eyekpa mfin ke Israel? Koro nte mfiɔkke mfin emi nte ke edi ami ndi edidem ke Israel?

2 SAMUEL 19:22 ပူးပေါင်းရင်းမြစ်များ

2 SAMUEL 16:10

Ndien edidem ete, Nsaŋa nso ye mbufo, nditɔ Zeruiah? Edieke enye osuŋide, edieke Jehovah onyuŋ ɔdɔhɔde ete, Yak enye osuŋi David, anie edidɔhɔ ndien, ete,

2 SAMUEL 16:5

Ekem edidem David osim ke Bahurim, ndien sese, owo kiet oto do emi edide oruk ufɔk Saul, ekere Shimei, eyen Gera: enye ɔwɔrɔ, ke asaŋa ɔtɔk.

2 SAMUEL 16:9

Ndien Abishai eyen Zeruiah ɔdɔhɔ edidem, ete, Okpo ebua emi anam didie osuŋi ɔbɔŋ mi edidem? mbɔk, yak mbe ŋka ŋkebigi enye ibuot.

2 SAMUEL 3:39

Ndien ami ndi mfefere mfin emi, okposuk edi nte ekeyetde mi aran enim ke edidem: mbon emi, nditɔ Zeruiaih enyuŋ esɔŋ ekan mi: Jehovah eyesio usiene ye owo eke anamde idiɔk nte ekemde ke idiɔk ido esie.

ISAIAH 16:5

Ndien eyenim ebekpo ke ima: owo kiet eyenyuŋ ada akpanikɔ etie ke esit ke tent David, ebiere ikɔ, ebine edinen ikpe, onyuŋ awara ndinam se inende.” Nnyin ikokop iseri Moab; ke eseri iseri eti-eti:

MATTHEW 8:29

Ndien sese, mmɔ efiori ete, Nnyin isaŋa nso ye Afo, Afo Eyen Abasi? Nte emedi ndituhɔre nnyin ke ini mikemke kaŋa ini?

1 SAMUEL 11:13

Edi Saul ɔdɔhɔ ete, Owo idikpaha mfin emi koro mfin emi Jehovah amanam erinyaŋa ke Israel.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.

1 SAMUEL 26:8

Ndien Abishai ɔdɔhɔ David, ete, Abasi amada usua fo esin fi ke ubɔk mfin emi: mbɔk, kam yak nda eduat ŋkim enye ndian ke isɔŋ ini kiet, ndien ndikim ke enye utim ikaba.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?