2 SAMUEL 19:19 - Edisana ñwed Abasi Ibom

¹⁹ onyuŋ ɔdɔhɔ edidem, ete, Yak ɔbɔŋ mi okubat oburobut ido ɔnɔ mi, kunyuŋ uti se owo fo ɔkɔdiɔkde ndinam ke usen oro ɔbɔŋ mi akadahade ke Jerusalem, ke edidem ndida enye nsin ke esit esie.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

Ndien Absalom eyeneka esie ɔdɔhɔ enye, ete, Nte Amnon eyenete mi okodu ye afo? Mbɔk, ndien, eyeneka mi, dop uyo: enye edi eyenusɔ: kukere ŋkpɔ emi. Ntre ke Tamar etie ke mfuhɔ ke ufɔk Absalom eyeneka esie.

2 SAMUEL 13:33

Ɔbɔŋ mi edidem okukere, ndien, ŋkpɔ emi, ete ke kpukpru nditɔ edidem emekpaŋa: koro Amnon ikpɔŋ-ikpɔŋ amakpa.

2 SAMUEL 19:18

Ubom kiet onyuŋ ebe ndida ufɔk edidem mbe, nnyuŋ nnam se enye amade. Ndien Shimei eyen Gera ɔduɔ ke isɔŋ ke iso edidem ke ini enye eyomde ndibe Jordan;

ŊWED MME PSALM 32:2

Ɔfɔfɔn ɔnɔ owo eke Jehovah mi-batke mme ukwaŋ-ŋkpɔ inɔ enye, baba abiaŋa minyuŋ iduhe ke spirit esie.

ŊWED MME PSALM 79:8

Oh kuti mme idiɔk ido mbon eset unɔ nnyin: wara nam ŋkpɔ ufɔn fo osim nnyin: koro nnyin imakabare ikpri eti-eti.

ECCLESIASTES 10:4

Edieke edidem ayatde esit ye afo, kudaha ke ebiet fo; koro mmem-ibuot osukde ikpɔ ndudue.

ISAIAH 43:25

Ami, ami ndi andisɔhi mme idiɔk ido fo mfep mbaŋa idem mi, ndinyuŋ ntihi mme ukwaŋ-ŋkpɔ fo.

JEREMIAH 31:34

Ndien kiet idikpepke aba mbɔhiduŋ esie, ye kiet eyen-ete esie, ite, Mbufo efiɔk Jehovah: koro kpukpru mmɔ, ŋkpri ye ikpɔ, eyefiɔk mi, Jehovah ɔdɔhɔ: koro nyefen mme idiɔk ido mmɔ, ndinyuŋ ntihi aba mme oburobut ido mmɔ.

NUMBERS 12:11

Ndien Aaron ɔdɔhɔ Moses, ete, Ɔbɔŋ mi, mbɔk, kudori nnyin idiɔk ido emi, emi nnyin inamde ndisime, emi nnyin inyuŋ iduede.

MATTHEW 27:4

Edi mmɔ ete enye, Nnyin isaŋa nso do? Ikɔ fo edi oro.

2 ŊWED CORINTH 5:19

ete, ke Christ Abasi ke ananam ererimbot etie ke emem ye Enye, ke mibatke ndudue owo inɔ mmɔ; okonyuŋ emen ikɔ erikabare ntie ke emem ye Enye esin nnyin ke ubɔk ete ikwɔrɔ.

1 SAMUEL 22:15

Nte ŋkɔtɔŋɔ ndibup uyo Abasi nnɔ enye usen oro? Nsa mi O! Edidem okudori owo esie ikɔ, ekudoro owo ufɔk ete mi baba kiet: koro owo fo mikɔfiɔkke ŋkpɔ emi baba kiet, edide ekpri, onyuŋ edide akamba.

1 SAMUEL 25:25

Mbɔk, ɔbɔŋ mi, kukpa ndikere oburobut owo Nabal emi koro enye edide nte enyiŋ esie edide; Nabal (ndisime) edi enyiŋ esie, ndisime onyuŋ odu ye enye: edi ami ofin aŋwan fo ŋkekwe mkparawa ɔbɔŋ mi oro afo ɔkɔdɔŋde utom.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.