2 SAMUEL 19:13 - Edisana ñwed Abasi Ibom

¹³ Mbufo enyuŋ edɔhɔ Amasa, ete, Nte afo udige ɔkpɔ mi, ye obukidem mi? Yak Abasi anam ntre ye ami, onyuŋ anam ntre aka iso, edieke afo mududige etubom mbon-ekɔŋ ke iso mi kpukpru ini ke ibuot Joab.

2 SAMUEL 19:13 ပူးပေါင်းရင်းမြစ်များ

GENESIS 29:14

Laban. Ndien Laban ɔdɔhɔ enye ete, Afo edi kpasuk ɔkpɔ mi, ye obuk mi. Ndien Jacob etie ye enye adaŋa ɔfiɔŋ kiet.

2 SAMUEL 17:25

Ndien Absalom onim Amasa ke etubom mbon-ekɔŋ ke ibuot Joab: ndien Amasa edi eyen owo ekere Ithra, Israelite kiet, emi okokotde Abigail, eyen Nahash aŋwan, eyeneka Zuruiah eka Joab aŋwan.

2 SAMUEL 18:11

Ndien Joab ɔdɔhɔ owo oro eketiŋde ɔnɔ enye, ete, Sese, afo okokut, ndien anam didie ukimke enye do uduɔk ke isɔŋ? Ŋkpe-nyene ndinɔ fi shekel silver duop, ye ubɔp-isin kiet.

2 SAMUEL 20:4

Ekem edidem ɔdɔhɔ Amasa, ete, Kowuk nditɔ Judah, ete etiene mi ke usen ita, afo nyuŋ du mi.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 5:1

EKEM kpukpru esien Israel eka ke ɔtɔ David ke Hebron, ekedɔhɔ ete, Sese, nnyin idi ɔkpɔ fo ye obukidem fo.

2 SAMUEL 8:16

Joab eyen Zeruiah onyuŋ edi etubom mbon-ekɔŋ; Jehoshaphat eyen Ahilud onyuŋ edi andiwet ŋwed obio;

1 NDIDEM 19:2

Ndien Jezebel ɔdɔŋ isuŋ ɔkɔdɔhɔ Elijah, ete, Yak mme abasi enam ntem, yak mmɔ enyuŋ enam eka iso, ke mmendinamke uwem fo etie nte uwem owo mmɔ oro kiet, ke adaŋa ini ntem mkpɔŋ.

1 CHRONICLES 12:18

Ndien spirit oduk ke idem Amasai, etubom mme ndidaha (ndien enye ɔdɔhɔ), ete, O David, nnyin idi okuomɔ, nnyin ida ke edem fo, O eyen Jesse; emem, emem akam odu ye afo, emem akam onyuŋ odu ye mmɔ eke eŋwamde fi; koro Abasi aŋwamde fi. Ndien David ada mmɔ, onyuŋ onim mmɔ ke mme etubom udim esie.

RUTH 1:17

nyekpa ke ebiet eke afo edikpade, nyeyuŋ mbuhɔ do; yak Jehovah anam mi ntem, onyuŋ ɔdɔdiɔŋ anam ntem, ke midige mkpa mkpa adianare mi ye afo.