2 SAMUEL 19:10 - Edisana ñwed Abasi Ibom

¹⁰ Absalom emi nnyin ikeyetde aran inim ke etubom nnyin omonyuŋ akpa ke ekɔŋ. Ke didie ndien ke mbufo etre ndida edidem mfiak?

2 SAMUEL 19:10 ပူးပေါင်းရင်းမြစ်များ

2 SAMUEL 15:14

Ndien David ɔdɔhɔ kpukpru ikɔt esie emi edude ke Jerusalem ye enye, ete, Mbufo edaha ke enyɔŋ, nnyin ifeŋe; koro minyeneke nte nnyin idibɔhɔde ke iso Absalom: mbufo, emen idem edaŋa, mbak enye edide edibuat nnyin, onyuŋ ada idiɔk-ŋkpɔ oro anam nnyin, onyuŋ osobo obio ke iso ofut.

2 SAMUEL 15:16

Ekem edidem ɔwɔrɔ, ofuri ufɔk esie enyuŋ etiene enye. Edidem onyuŋ ɔkpɔŋ iban-esa duop, ete, ekpeme ufɔk.

2 SAMUEL 18:14

Ndien Joab ɔdɔhɔ ete, Ŋkwe nte ndidade ntem ye afo. Ndien enye emen onyim ita ke ubɔk, ada mmɔ okim Absalom ke esit, ke enye odude uwem kaŋa ke ufɔt ofriyo.

2 SAMUEL 19:11

Edidem David onyuŋ ɔdɔŋ ekedɔhɔ Zadok ye Abiathar mme oku, ete, Mbufo edɔhɔ mbiowo Judah, ete, Nsinam mbufo edide ekpere edem ke ndida edidem mfiak ke ufɔk esie? sia uyo ofuri Israel ama osim edidem, kpa ke ufɔk esie?

2 SAMUEL 19:40

Ntre ke edidem ebe aka ke Gilgal, Chimham onyuŋ etiene enye ebe; ndien kpukpru nditɔ Judah ye ubak nditɔ Israel ŋko eda edidem ebe.

2 SAMUEL 19:9

Ekem kpukpru owo etɔhɔ utɔk ke otu kpukpru mme esien Israel, ete, Edidem akanyaŋa nnyin osio ke ubɔk mme asua nnyin, enye okonyuŋ anam nnyin ibɔhɔ mme Philistine ke ubɔk: ndien ke emi enye emefehe ɔkpɔŋ edem emi abaŋa Absalom.

HOSEA 8:4

Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

JUDGES 18:9

Ndien mmɔ edɔhɔ ete, Mbufo edaha ke enyɔŋ, nnyin idɔk ke ɔtɔ mmɔ: koro nnyin ikekutdeisɔŋ oro, ndien, sese enye ɔmɔfɔn eti: ndien mbufo ededop; ekubigi ndika ŋkoduk, man mbufo eda isɔŋ oro enyene.