2 SAMUEL 18:5 - Edisana ñwed Abasi Ibom

⁵ David onyuŋ eteme Joab, ye Abishai, ye Ittai, ete, Mbufo enam suŋ ye eyen emi, kpa Absalom, ebaŋa mi. Kpukpru owo enyuŋ ekop nte edidem etemede kpukpru mme etubom abaŋa Absalom.

2 SAMUEL 18:5 ပူးပေါင်းရင်းမြစ်များ

2 SAMUEL 16:11

Ke nso ke afo anam ntre? David onyuŋ ɔdɔhɔ Abishai, ye kpukpru ikɔt esie, ete, Sese, eyen mi, emi okotode mi ke idem, ke oyoyom uwem mi: ŋwaŋwa-ediso owo Benjamin emi? Mbufo ekukere enye: yak enye osuŋi: koro edi Jehovah ɔkɔdɔhɔ enye.

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

2 SAMUEL 18:12

Ndien owo oro ɔbɔrɔ Joab, ete, Ami mma ŋkpodomo tɔsin shekel ke eka-ubɔk mi, ŋkpanyanke ubɔk mi ntuk eyen edidem: koro ke utɔŋ nnyin ke edidem okowuk fi, ye Abishai, ye Ittai, ete, Mbufo kpukpru ekpeme eyen oro kpa Absalom.

2 SAMUEL 19:1

EKEM mmɔ etiŋ enɔ Joab ete, Sese, edidem ke atua onyuŋ eseme abaŋa Absalom.

ŊWED MME PSALM 103:13

Kpa nte ete atuade nditɔ esie mbɔm, ntre ke Jehovah atua mmɔ eke ebakde enye mbɔm.

LUKE 23:34

Edi Jesus ete, Ete, dahado nɔ mmɔ koro mmɔ mifiɔkke se mmɔ enamde. Mmɔ esin afia edeme edisine-ŋkpɔ Esie ke otu idem mmɔ.