2 SAMUEL 18:2 - Edisana ñwed Abasi Ibom

² Ndien David ɔdɔŋ ɔyɔhɔ ubak mbɔn-ekɔŋ ita, ete esaŋa ye Joab, onyuŋ ɔdɔhɔ ɔyɔhɔ ubak ita, ete esaŋa ye Abishai eyen Zeruiah, eyeneka Joab, ɔyɔhɔ ubak ita eken enyuŋ esaŋa ye Ittai Gittite. Ndien edidem ɔdɔhɔ kpukpru owo, ete, Ami nde mmɔŋ ŋwɔrɔ ye mbufo.

2 SAMUEL 18:2 ပူးပေါင်းရင်းမြစ်များ

2 SAMUEL 17:11

Edi ami nteme, nte, Yak ofuri Israel, ɔtɔŋɔde ke Dan tutu osim ke Beersheba, ebono ke ɔtɔ fo, nte ntan emi odude ke mben inyaŋ ke uwak; afo ke idemfo nyuŋ ka ekɔŋ.

2 SAMUEL 21:17

Edi Abishai eyen Zeruiah anyaŋa enye, onyuŋ ɔtɔ Philistine oro owot. Ndien ikɔt David ewuk enye, ete Afo kuwɔrɔ aba utiene nnyin uka ekɔŋ, kunyuŋ unime utuenikaŋ Israel.

2 SAMUEL 23:18

Ndien Abishai, eyen-eka Joab, eyen Zeruaih edi etubom ita oro. Ndien enye ekemenere eduat esie aŋwana ye owo ikie ita, owot, onyuŋ ɔwɔrɔ etop ke otu mbita oro.

2 SAMUEL 8:16

Joab eyen Zeruiah onyuŋ edi etubom mbon-ekɔŋ; Jehoshaphat eyen Ahilud onyuŋ edi andiwet ŋwed obio;

1 NDIDEM 2:28

Ekem etop oro edisim Joab: koro Joab etienede Adonijah, edi iketieneke Absalom. Ndien Joab efehe aka ke efe Jehovah, okomum nduk itie-uwa.

ŊWED MME PSALM 3:6

Ndifeheke mme tɔsin owo duop eke ekande mi ekuk enam ikɔ ye ami.

JUDGES 7:16

Ndien enye abahare owo ikie ita oro esin ke udim ita, onyuŋ esin mmɔ kpukpru obukpoŋ ke ubɔk, ye ukpɔk abaŋ, ye nsaraŋikaŋ ke abaŋ.

JUDGES 7:19

Ekem Gideon ye owo ikie oro edude ye enye esim utit nna ke eritɔŋɔ ufɔt-ufɔt efen: ndien ndo-ndo oro mmɔ enim mbon-ukpeme: ndien mmɔ efuri obukpoŋ, enyuŋ enuak abaŋ oro odude mmɔ ke ubɔk.

JUDGES 9:43

Ndien enye ada ikɔt esie abahare esin ke udim ita, aka okodibe ke iŋwaŋ ebet, ndien enye okut, ndien, sese, adaŋemi mbio-obio ewɔŋɔde ke obio, enye adaha ke enyɔŋ aŋwana ye mmɔ, onyuŋ asuan mmɔ.

1 SAMUEL 11:11

Edikem mkpɔŋ, Saul otim mbon oro esin ke udim ita: ndien mmɔ eduk ke ufɔt nna ke efen usen-ubɔk, ekewot Ammon tutu utin ofiop: ndien edikem, mmɔ eke esuhɔde esuana, owo mmɔ iba inyuŋ isaŋake ɔtɔ kiet.