2 SAMUEL 18:18 - Edisana ñwed Abasi Ibom

¹⁸ Ndien Absalom ama akada adaha emi odude ke ebedeŋ edidem, onim ɔnɔ idemesie, ke eyo uwem esie: koro enye ɔkɔdɔhɔde ete, Ami nnyeneke eyen-eren eke edinamde eti enyiŋ mi: enye onyuŋ ada enyiŋ esie osio adaha oro: enye onyuŋ ekere adaha Absalom tutu osim mfin emi.

2 SAMUEL 18:18 ပူးပေါင်းရင်းမြစ်များ

GENESIS 11:4

Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

GENESIS 11:9

Mmɔdo enyiŋ esie ekerede Babel; koro Jehovah etimerede usem ofuri ererimbot do: Jehovah onyuŋ anam mmɔ edaha do esuana ke iso ofuri ererimbot.

GENESIS 14:17

Ekem edidem Sodom ɔwɔrɔ aka ke itihere Shaveh, enye edi itihere edidem, ete isobo ye enye, ke ini enye otode ndisuan Chedorlaomer ye ndidem oro ekedude ye enye, afiak edi.

2 SAMUEL 14:27

Ndien nditɔ-iren ita emana enɔ Absalom, ye eyen-aŋwan kiet ekere Tamar: enye ekedi ŋwan uyai idem.

ŊWED MME PSALM 109:13

Yak esibe ubon esie efep; yak esɔhi enyiŋ mmɔ ke emana iso efep.

ŊWED MME PSALM 49:11

Mmɔ ekere ke esit mmɔ, ete ke ufɔk mmimɔ edibigi ke nsinsi ye iduŋ mmimɔ ke ofuri emana; mmɔ enyuŋ eda enyiŋ mmɔ esio iŋwaŋ mmɔ.

ISAIAH 22:16

Afo enyene nso mi? onyuŋ enyene anie mi, eke esinde fi otibi udi ɔnɔ idem fo mi? Enye otibi udi esiemɔ ke enyɔŋ, otuŋ iduŋ ke itiat ɔnɔ idem esie.

JEREMIAH 22:30

Ntem ke Jehovah ɔdɔhɔ, ete, Mbufo ewet owo emi, ete, anana eyen, owo eke midikwe unen ke uwem esie: koro baba owo nditɔ esie kiet midikwe unen, itie ke ebekpo David, inyuŋ ikara aba ke Judah.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

NUMBERS 32:42

Ndien Nobah aka akada Kenath, ye mme obio iŋwaŋ mmɔ, onyuŋ ada Nobah enyiŋ esiemɔ osio enye.

1 SAMUEL 15:12

Ekem Samuel abak adaha ke enyɔŋ ke usenubɔk, ete ikosobo ye Saul. Ndien etiŋ enɔ Samuel, ete, Saul ama edi ke Carmel, ndien, sese, enye ama owuk ŋkpɔ eriti ke idemesie, ama onyuŋ ɔwɔŋɔre ebe, ɔsuhɔre aka ke Gilgal.