2 SAMUEL 17:23 - Edisana ñwed Abasi Ibom

²³ Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

Absalom onyuŋ ɔdɔŋ ekekot Ahithophel Gilonite, owo item David, ke Giloh obio esie, ke ini enye awade uwa. Odu oro onyuŋ ɔsɔŋ; koro mmɔ emi edude ye Absalom ediɔŋde diɔŋ ewak eka iso.

2 SAMUEL 15:31

Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

2 SAMUEL 16:23

Ndien item Ahithophel eke enye eketemede ke eyo oro, etie nte ŋkpɔ eke owo obupde uyo Abasi; ofuri item Ahithophel eketie ntem ye David ye Absalom nde.

2 SAMUEL 17:22

Ndien David ye kpukpru mmɔ eke edude ye enye edaha ke enyɔŋ esaŋa ebe Jordan: ke ini eyo esierede baba owo kiet eke mibehe Jordan isuhɔke.

1 NDIDEM 16:18

Edikem adaŋemi Zimri okutde nte ema ekeda obio, enye oduk ke ufɔk-enyɔŋ ufɔk edidem, onyuŋ ɔfɔp ufɔk edidem ke ikaŋ, abaha idemesie, ndien akpa.

2 NDIDEM 20:1

KE ini oro Hezekiah ɔdɔŋɔ udɔŋɔ mkpa. Ndien prophet Isaiah eyen Amoz aka ke ɔtɔ esie, ɔkɔdɔhɔ enye, ete, Ntem ke Jehovah ɔdɔhɔ, ete, Tim ŋkpɔ ufɔk fo: koro afo eyekpa, ududuhe uwem.

ŊWED JOB 31:3

Nte nsobo inyeneke mme idiɔk owo?

ŊWED MME PSALM 109:20

Emi edi utip emi Jehovah ɔnɔde mmɔ eke esuade mi, enyuŋ edɔhɔde idiɔk ebaŋa ukpɔŋ mi.

ŊWED MME PSALM 5:10

Nam ikɔ obiomo mmɔ, O Abasi; nam uduak mmɔ esin mmɔ eduɔŋɔ: bin mmɔ fep ke uwak oburobut ido mmɔ: koro mmɔ esɔŋde ibuot ye afo.

ŊWED MME PSALM 55:23

Ndien afo, O Abasi, eyenam mmɔ esuhɔre ke obube mbiara: mbon afai ye eke abiaŋa ididuhe ibio uwem mmɔ; edi ami nyebuɔt idem mi ye afo.

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

MME ŊKE 19:3

Ndisime ido owo abiat usuŋ esie: ndien enye ayat esit ye Jehovah.

ISAIAH 38:1

KE ini oro Hezekiah ɔdɔŋɔ oyom ndikpa. Ndien Isaiah prophet eyen Amoz edi ke ɔtɔ esie, edidɔhɔ enye, ete, Ntem ke Jehovah ɔdɔhɔ ete, Nɔ item baŋa ufɔk fo: koro afo ɔmɔŋ akpa, udunyuŋ uduhe uwem.

MATTHEW 27:5

Ndien enye otomo mbak silver oro ɔduɔk ke temple, adaha ɔnyɔŋ ekeyire akpa.