2 SAMUEL 16:8 - Edisana ñwed Abasi Ibom

⁸ Jehovah anam ofuri iyip ufɔk Saul, emi afo adade ubɔŋ ke ibuot esie, ɔsɔp fi; Jehovah omonyuŋ ɔbɔ fi ubɔŋ esin ke ubɔk Absalom eyen fo: ndien, sese, afo emeyire ke ibak fo, koro afo edide owo iyip.

2 SAMUEL 16:8 ပူးပေါင်းရင်းမြစ်များ

2 SAMUEL 1:16

David onyuŋ ɔdɔhɔ enye, ete, Iyip fo ɔsɔp idemfo: koro edi inua fo eketiŋ adian fi, ete, Ami ŋwot enye emi Jehovah ekeyetde aran.

2 SAMUEL 19:19

onyuŋ ɔdɔhɔ edidem, ete, Yak ɔbɔŋ mi okubat oburobut ido ɔnɔ mi, kunyuŋ uti se owo fo ɔkɔdiɔkde ndinam ke usen oro ɔbɔŋ mi akadahade ke Jerusalem, ke edidem ndida enye nsin ke esit esie.

2 SAMUEL 19:21

Ndien Abishai eyen Zeruiah ɔbɔrɔ ete, Nte Shimei idikpaha ibaŋa emi? koro okosuŋide enye emi Jehovah ekeyetde aran onim ke edidem?

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

2 SAMUEL 21:9

enye emen mmɔ esin mme Gibeonite ke ubɔk, ndien mmɔ eyiri mmɔ ke obot ke iso Jehovah: ndien kpukpru mbitiaba oro eduɔŋɔ ini kiet, enyuŋ ewot mmɔ ke ini ukpeŋe ibokpot, ke akpa usen, ke eritɔŋɔ ukpeŋe barley.

1 NDIDEM 2:8

Ndien, sese, Shimei eyen Gera, eyen Benjamin, emi otode ke Bahurim, mmɔ mi ye afo: enye okosuŋi mi ata idiɔk isuŋi ke usen oro ŋkade Mahanaim: edi enye ɔsuhɔre aka ke Jordan okosobo ye ami, ndien ami ntomo Jehovah nnɔ enye, nte, Ndiwotke fi ke ofut.

ŊWED MME PSALM 3:2

Ediwak owo edɔhɔ ukpɔŋ mi ete, Abasi inyimeke ndinyaŋa enye [Selah.]

ŊWED MME PSALM 4:2

Nditɔ owo, adaŋa didie ke ubɔŋ mi editie nte ŋkpɔ but? Adaŋa didie ke mbufo edima ikpikpu ŋkpɔ, enyuŋ ebine nsu? [Selah.]

ŊWED MME PSALM 55:3

mbaŋa uyo usua, mbaŋa ufik idiɔk owo: koro mmɔ edade idiɔk ido eduɔk mi ke idem, enyuŋ esuade mi ke iyaresit.

ŊWED MME PSALM 7:4

edieke ndade idiɔk nsio usiene nnɔ ufan mi; nnyuŋ mbumede owo eke otukde mi ke ikpikpu:

MME ŊKE 26:2

Nte ntarusuŋ oyode, ye nte akaraŋ Abasi efede, kpa ntre isuŋi eke minyeneke ntak isuhɔ.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

JUDGES 9:24

man afai oro ekenamde nditɔ Jerubbaal ata ye duop, edi, man iyip mmɔ onyuŋ ɔsɔp Abimelech eyen ete mmɔ, emi okowotde mmɔ; onyuŋ ɔsɔp mme enyene Shechem emi ekesɔŋde enye ubɔk owot nditɔ ete esie.