2 SAMUEL 16:16 - Edisana ñwed Abasi Ibom

¹⁶ Edikem, adaŋemi Hushai Arkite, ufan David, edide ke ɔtɔ Absalom, Hushai ɔdɔhɔ Absalom, ete, Yak edidem osuk odu uwem! yak edidem osuk odu uwem!

2 SAMUEL 16:16 ပူးပေါင်းရင်းမြစ်များ

2 SAMUEL 15:32

Ekem adaŋemi David osimde ke ibuot obot, emi enye atuakde ibuot do ɔnɔ Abasi, sese, Hushai Archite edisobo ye enye, edisine-ŋkpɔ esie ewaha, ntan onyuŋ odoro enye ke ibuot.

2 SAMUEL 15:34

edi ama afiak aka obio, onyuŋ ɔdɔhɔ Absalom, ete, Nyedi owo fo, O edidem; mma ndi owo usɔ totoko, edi ke emi ami ndi owo fo: ndien afo eyesuan item Ahithophel ɔnɔ mi.

2 SAMUEL 15:37

Ntre ke Hushai ufan David oduk ke obio. Ndien Absalom osim Jerusalem.

1 NDIDEM 1:25

Koro enye ɔmɔsuhɔre mfin emi, aka okowot enaŋ, ye edisehe unam, ye ŋkpri ufene ediwak, omonyuŋ okot kpukpru nditɔ edidem, ye mme etubom mbon-ekɔŋ, ye Abiathar oku; ndien, sese, mmɔ ke ededia, ke enyuŋ eŋwɔŋ ke iso esie, enyuŋ edɔhɔ ete, Yak Adonijah edidem odu uwem.

1 NDIDEM 1:34

ndien yak Zadok oku ye Nathan prophet eyet enye aran do enim ke edidem Israel: mbufo enyuŋ eda obukpoŋ efuri, enyuŋ edɔhɔ, ete, Yak Solomon edidem odu uwem.

1 NDIDEM 4:5

Azariah eyen Nathan onyuŋ edi etubom mme andidaha: Zabud eyen Nathan ata akpan owo onyuŋ edi ufan edidem;

2 NDIDEM 11:12

ekan edidem ekuk. Ndien enye ada eyen edidem ɔwɔrɔ, onyuŋ ayara enye anyanya ke ibuot, onyuŋ ɔnɔ enye ŋwed-ibet; ntre ke mmɔ enim enye ke edidem, enyuŋ eyet enye aran; ndien mmɔ ekwak ubɔk, ete, Yak edidem odu uwem.

DANIEL 2:4

Ndien mme Chaldean edɔhɔ edidem ke usem Syria, ete, O edidem, itɔŋ uwem akpakam ɔsɔŋ fi ke nsinsi: tiŋ ndap oro nɔ nnyin ikɔt fo, ndien nnyin iyesiak nte enye asaŋade.

DANIEL 5:10

Uyo edidem ye eke ikpɔ owo esie esin ɔbɔŋ-aŋwan oduk ke ufɔk udia: ɔbɔŋ-aŋwan oro ɔbɔrɔ onyuŋ ɔdɔhɔ edidem, ete, Itɔŋ uwem akpakam ɔsɔŋ edidem ke nsinsi; kuyak ekikere etimere fi, kunyuŋ uyak iso akabare fi akpai:

DANIEL 6:21

Ndien Daniel ɔdɔhɔ edidem, ete, O edidem, itɔŋ uwem osuk ɔsɔŋ fi ke nsinsi.

DANIEL 6:6

Ndien ikpɔ owo ye mbɔŋ emi esop idem ke ɔtɔ edidem, enyuŋ edɔhɔ ntem ye enye, ete, Edidem Darius, itɔŋ uwem akpakam ɔsɔŋ fi ke nsinsi.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

1 SAMUEL 10:24

Ndien Samuel ɔdɔhɔ kpukpru owo, ete, Nte mbufo emekut enye emi Jehovah emekde, ete ke baba owo kiet ibietke enye ke otu kpukpru mbio-obio? Ndien kpukpru owo efiori, enyuŋ edɔhɔ ete,