2 SAMUEL 15:31 - Edisana ñwed Abasi Ibom

³¹ Ekem owo etiŋ ɔnɔ David, ete ke Ahithophel odu ke otu mbon-odu ye Absalom. Ndien David ɔdɔhɔ ete, O Jehovah, mbɔk, nam item Ahithophel akabare edi ndisime.

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Absalom onyuŋ ɔdɔŋ ekekot Ahithophel Gilonite, owo item David, ke Giloh obio esie, ke ini enye awade uwa. Odu oro onyuŋ ɔsɔŋ; koro mmɔ emi edude ye Absalom ediɔŋde diɔŋ ewak eka iso.

2 SAMUEL 16:23

Ndien item Ahithophel eke enye eketemede ke eyo oro, etie nte ŋkpɔ eke owo obupde uyo Abasi; ofuri item Ahithophel eketie ntem ye David ye Absalom nde.

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

2 SAMUEL 17:5

Ndien Absalom ɔdɔhɔ ete, Kam kot Hushai Arkite kaŋa, man nnyin ikop se enye edinyuŋ ɔdɔhɔde.

2 SAMUEL 17:7

Ndien Hushai ɔdɔhɔ Absalom, ete, Item emi Ahithophel etemede ifɔnke ke idahemi.

ŊWED JOB 5:12

Enye asuan uduak mbon ŋkari, ndien ubɔk mmɔ inamke ŋkpɔ akpanakpan.

ŊWED MME PSALM 109:3

Mmɔ enyuŋ eda ikɔ usua ekan mi ekuk; enyuŋ eŋwana ekɔŋ ye ami ke minyeneke ntak.

ŊWED MME PSALM 3:1

O JEHOVAH, mme andituk mi ewak didie! Mmɔ eke enamde ikɔ ye ami ke ewewak.

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

ŊWED MME PSALM 55:10

Mmɔ ekanare enye ekuk ke ibibene esie, ke uwemeyo ye okoneyo: idiɔk ido ye ukut edu enye ke ufɔt.

ŊWED MME PSALM 55:12

Koro midige usua esuene mi: (ekpedi enye) ŋkpɔyɔ oro: inyuŋ idige owo utɔk mi emenere idem-esie ke enyɔŋ akan mi; (ekpedi enye) ŋkpodibe enye:

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 44:25

Enye abiat mme idiɔŋɔ mbon nsu, onyuŋ anam mbia-idiɔŋ edama idat; anam mme ɔfiɔk ŋkpɔ owo efiak edem, onyuŋ onim ifiɔk mmɔ ke ndisime:

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

1 ŊWED CORINTH 1:20

Enye owo eti ibuot? Enye andiwet ŋwed? Enye eneni eneni eyo emi? Nte Abasi ikanamke ifiɔk mbon ererimbot emi akabare edi ndisime?

JAMES 3:15

Emi idige eti ibuot eke otode ke enyɔŋ, edi oto isɔŋ, oto obukidem, oto mme demon.