2 SAMUEL 15:25 - Edisana ñwed Abasi Ibom

²⁵ Ndien edidem ɔdɔhɔ Zadok, ete, Men ekebe Abasi fiak ke obio: edieke Jehovah edimade mi, enye eyenam mi mfiak ndi, eyenyuŋ owut mi idem esie ye iduŋ esie:

2 SAMUEL 15:25 ပူးပေါင်းရင်းမြစ်များ

2 SAMUEL 6:17

Ntre ke mmɔ emen ekebe Jehovah eduk, ekediɔk enye ke ɔtɔ esie, ke ufɔt tent emi David akanamde ɔnɔ enye: ndien David awa edifɔp uwa emem ke iso Jehovah.

2 SAMUEL 7:2

ndien edidem ɔdɔhɔ Nathan prophet, ete, Mbɔk, se ami nduŋ ke ufɔk cedar, edi ekebe Abasi oduŋ ke ufɔt ikpehe oro.

ŊWED MME PSALM 122:1

MMƆ eke edɔhɔde mi, ete, “Nnyin iyeka ke ufɔk Jehovah,” edat mi esit.

ŊWED MME PSALM 122:9

Nyeyom se ifɔnde ye afo mbaŋa ufɔk Jehovah Abasi nnyin.

ŊWED MME PSALM 26:8

O Jehovah, mmama iduŋ ufɔk fo, ye ebiet emi ubɔŋ fo oduŋde.

ŊWED MME PSALM 84:10

Koro usen kiet ke okure fo ɔmɔfɔn akan tɔsin. Mmemek ndida ke asaŋ-udɔk ke ufɔk Abasi mi, akan ndiduŋ ke mme tent mme oburobut owo.

EXODUS 15:13

Ima fo esin fi ada ikɔt emi afo akafakde ɔwɔrɔ; ada odudu fo eteme mmɔ usuŋ edisana ebiet fo.

EXODUS 33:12

Ekem Moses ɔdɔhɔ Jehovah, ete, Sese afo ɔmɔdɔhɔ mi, ete, Da mbio emi usuŋ; edi afo ukausianke mi enye emi afo edidɔŋde asaŋa ye ami: nte afo omonyuŋ ɔdɔhɔ ete ke ɔmɔfiɔk enyiŋ mi, omonyuŋ enen iso ye ami.

EXODUS 33:13

Edieke afo enende iso ye ami, ndien, mbɔk, wut mi usuŋ fo, man mfiɔk fi, man afo enen iso ye ami; nyuŋ bat mbio emi ke ikɔt fo.

ISAIAH 38:22

Hezekiah onyuŋ ɔdɔhɔ, ete, Nsidi idiɔŋɔ ete ke ami ndidɔk ke ufɔk Jehovah?

JEREMIAH 25:30

Afo tiŋ ndien kpukpru ikɔ prophecy emi nɔ mmɔ, nyuŋ dɔhɔ mmɔ, ete, Jehovah eyetie ke enyɔŋ ofiori, enyenyuŋ etie ke edisana iduŋ esie osioro uyo esie; enye eyesɔŋ ofiori abaŋa ebiet iduŋ esiemɔ; eyesio mkpo, ebiet eke mme edigi-wine, abaŋa kpukpru mme andiduŋ ererimbot.

JEREMIAH 7:4

Mbufo ekubuɔt idem ke ikɔ nsu, ete, temple Jehovah, temple Jehovah, temple Jehovah edi mme mmɔ emi.