2 SAMUEL 15:24 - Edisana ñwed Abasi Ibom

²⁴ Ndien, sese, Zadok ŋko, ye kpukpru mme Levite ŋko-ŋko, ke ebiom ekebe ediomi Abasi: ndien mmɔ ediɔk ekebe Abasi, Abiathar onyuŋ ɔdɔk, tutu kpukpru owo eto ke obio edibe ema.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Edidem onyuŋ ɔdɔhɔ Zadok, oku ete, O owo ŋkukut! fiak ke obio ke ifure, ye nditɔ-iren mbufo mbiba ŋko, Ahimaaz eyen fo, ye Jonathan eyen Abiathar,

2 SAMUEL 15:35

Nte Zadok ye Abiathar mme oku inyuŋ iduhe ye afo do? Ndien ama ekem, men kpukpru ikɔ eke afo edikopde ke ufɔk edidem, tiŋ nɔ Zadok ye Abiathar mme oku.

2 SAMUEL 20:25

Sheva onyuŋ edi ewet-ŋwed: Zadok ye Abiathar enyuŋ edi mme oku:

2 SAMUEL 6:13

Edikem adaŋemi mme andibiom ekebe Jehovah ekesaŋade ikpat itiokiet ema, enye awa enaŋ ye ikpɔ nditɔ enaŋ.

2 SAMUEL 8:17

Zadok eyen Ahitub, ye Ahimelek eyen Abiathar, enyuŋ edi mme oku; Seraiah onyuŋ edi andiwet ŋwed:

1 NDIDEM 1:8

Edi Zadok oku, ye Benaiah eyen Jehoiada, ye prophet Nathan, ye Shimei, ye Rei, ye mbon-uko oro David enyenede isaŋake ye Adonijah.

1 NDIDEM 2:26

Ndien edidem ɔdɔhɔ Abiathar oku, ete, Nyɔŋ ka ke Anathoth ka iŋwaŋ fo; koro afo odotde mkpa: edi ŋwotke fi mfin emi, koro afo okobiomde ekebe Jehovah Ɔbɔŋ ebem David ete mi iso, koro afo okonyuŋ okutde ukut ke kpukpru se ete mi okokutde ukut ke esit.

1 NDIDEM 2:35

Ndien edidem ada Benaiah eyen Jehoiada, onim ke etubom mbon-ekɔŋ ke itie esie: edidem onyuŋ ada Zadok onim ke oku ke itie Abiathar.

1 CHRONICLES 15:2

Ndien David ɔdɔhɔ, ete, Owo okubiom ekebe Abasi, ke mibɔhɔke mme Levite: koro mmɔ ke Jehovah ekemek ndibiom ekebe Abasi, ndinyuŋ nnam ŋkpɔ esie ke nsinsi.

EZEKIEL 48:11

Mme oku edida enye, kpa nditɔ Zadok, emi edide edisana, emi ekpemede se ŋkotobode, emi mikodiyoho ke adaŋemi nditɔ Israel ekediyode, nte emi mme Levite ekediyode.

NUMBERS 4:15

Ndien ama ekem, ke adaŋemi Aaron ye nditɔ esie efukde edisana ebiet, ye kpukpru ŋkpɔ unam-utom edisana ebiet ema, ke ini ewuhɔrede nna; yak nditɔ Kohath edi ndien edibiom: edi ekuktuk edisana ŋkpɔ baba kiet, mbak mmɔ edikpa. Mme mmɔ emi edi mbiomo nditɔ Kohath ke efe esop.

NUMBERS 7:9

Edi inɔŋɔ nditɔ Kohath: koro utom edisana ebiet enyenede mmɔ, mmɔ ebiom ke afara.

JOSHUA 3:3

ndien mmɔ ewuk kpukpru owo, ete, Ke adaŋemi mbufo ekutde ekebe ediomi Jehovah Abasi mbufo, ye nte mme oku, mme Levite, ebiomde enye, ndien mbufo edaŋa ke ebiet mbufo, enyuŋ esaŋa enye ke edem:

JOSHUA 3:6

Ndien Joshua ɔdɔhɔ mme oku, ete, Mbufo emen ekebe ediomi, enyuŋ ebem kpukpru owo iso ebe. Ndien mmɔ emen ekebe ediomi, enyuŋ esaŋa kpukpru owo ke iso.

JOSHUA 6:4

Ndien yak oku itiaba ebiom obukpoŋ itiaba ebem ekebe iso; ndien ke ɔyɔhɔ usen itiaba, mbufo ekan obio ekuk utim ikatiaba, mme oku enyuŋ efuri obukpoŋ.

JOSHUA 6:6

Ekem Joshua eyen Nun okot mme oku, onyuŋ ɔdɔhɔ mmɔ ete, Mbufo emen ekebe ediomi, oku itiaba enyuŋ ekama obukpoŋ itiaba ebem ekebe Jehovah iso.

1 SAMUEL 22:20

Edi eyen Ahimelech, eyen Ahitub, kiet, ekere Abiathar, ɔbɔhɔ, ndien enye efehe etiene David.

1 SAMUEL 4:11

Mmɔ enyuŋ eda ekebe Abasi: nditɔ Eli mbiba, Hophni ye Phinehas, enyuŋ ekpa.