2 SAMUEL 15:2 - Edisana ñwed Abasi Ibom

² Absalom onyuŋ abak edemere, aka akada ke mben usuŋ ke inua-otop; ndien edikem ama edi owo ekededi eke enyenede ikɔ eke enye adade aka ke iso edidem, ete enye ekpe, Absalom ofiori okot enye, onyuŋ ɔdɔhɔ ete, Afo oto ke ewe obio? Ndien enye ɔdɔhɔ ete, Owo fo oto ke esien Israel kiet.

2 SAMUEL 15:2 ပူးပေါင်းရင်းမြစ်များ

GENESIS 34:20

Ekem Hamor ye Shechem eyen esie edi ke inua-otop obio mmɔ, edidɔhɔ ye mbio-obio mmɔ, ete,

2 SAMUEL 19:8

Ekem edidem adaha ke enyɔŋ eketie ke inua-otop Ndien mmɔ etɔt kpukpru owo, ete, Sese, edidem ke etie ke inua-otop. Ndien kpukpru owo edi ke iso edidem. Ofuri Israel enyuŋ efeŋe eka ke tent mmɔ.

2 CHRONICLES 10:7

Ndien mmɔ ebɔrɔ enye, ete, Afo ama ɔfɔn ido ye mbon emi, ama onyuŋ enem mmɔ esit, onyuŋ ɔdɔhɔ eti ikɔ ye mmɔ, mmɔ eyedi ikɔt fo ke nsinsi.

ŊWED JOB 24:14

Ke ini eyo esierede, obom adaha ke enyɔŋ owot eyen unana ye ubuene ndien ke okoneyo enye ebiet inɔ.

EXODUS 18:14

Ndien adaŋemi ukot Moses okutde kpukpru se anamde ye mbon oro, enye ɔdɔhɔ ete, Nso ŋkpɔ edi emi afo anamde ye mme mmɔ emi? Nsinam afo etiede ikpɔŋ, kpukpru owo enyuŋ edade ye afo ɔtɔŋɔde ke usenubɔk tutu osim ke mbubreyo?

EXODUS 18:16

Adaŋemi mmɔ enyenede ikɔ, mmɔ ebine mi; ami nnyuŋ ŋkpe ikpe ke ufɔt owo ye mbɔhiduŋ esie, nnyuŋ nsian mme ewuhɔ Abasi ye mbet esiemɔ nnɔ mmɔ.

EXODUS 18:26

Ndien mmɔ ekpe ikpe kpukpru owo kpukpru ini: eda ikɔ eke esɔŋde etiene Moses, edi mmɔ ke idem mmɔ ebiere kpukpru ikɔ eke ekpride.

MME ŊKE 4:16

Koro mmɔ midehe idap, ke minamke idiɔk; idap onyuŋ atiam mmɔ, ke mmɔ minamke owo ɔduɔ.

DANIEL 11:21

Ndien obukpo owo kiet eyedaha ada ke itie esie, edi idinɔŋɔ enye ubɔŋ itie edidem: ndien enye eyesaŋa suŋ-suŋ edi, onyuŋ ada ubɔŋ ke nnem-inua.

MATTHEW 27:1

EDI ke ini eyo esierede, kpukpru ikpɔ oku ye mbiowo obio eduk ediomi ebaŋa Jesus, ete iwot Enye:

DEUTERONOMY 17:8

Ke adaŋemi edisɔŋde fi ndikpe, ke ufɔt iyip ye iyip, ke ufɔt ikpe ye ikpe, ye ke ufɔt ita ye ita, eke edide ikɔ eneni ke obio fo: ndien daha ke enyɔŋ saŋa dɔk ke ebiet emi Jehovah Abasi fo edimekde:

RUTH 4:1

EKEM Boaz ɔdɔk aka ke inua otop obio, eketie do: ndien, sese, owo ufak oro Boaz ɔkɔdɔhɔde abaŋa ke asaŋa ebe: ndien enye ɔdɔhɔ ete, Da O, waha tiene mi Ndien enye awaha, aka eketie do.