2 SAMUEL 15:18 - Edisana ñwed Abasi Ibom

¹⁸ Kpukpru ikɔt esie enyuŋ esaŋa enye ke ŋkaŋ, kpukpru mme Cherethite, ye kpukpru mme Pelethite, ye kpukpru mme Gittite, owo ikie itiokiet emi ekekotde ke Gath etiene enye,enyuŋ ebe edidem iso.

2 SAMUEL 15:18 ပူးပေါင်းရင်းမြစ်များ

2 SAMUEL 15:17

Ntre ke edidem ɔwɔrɔ, kpukpru owo enyuŋ etiene enye, Ndien mmɔ etuak eda ke Beth-merhak.

2 SAMUEL 18:2

Ndien David ɔdɔŋ ɔyɔhɔ ubak mbɔn-ekɔŋ ita, ete esaŋa ye Joab, onyuŋ ɔdɔhɔ ɔyɔhɔ ubak ita, ete esaŋa ye Abishai eyen Zeruiah, eyeneka Joab, ɔyɔhɔ ubak ita eken enyuŋ esaŋa ye Ittai Gittite. Ndien edidem ɔdɔhɔ kpukpru owo, ete, Ami nde mmɔŋ ŋwɔrɔ ye mbufo.

2 SAMUEL 20:23

Ntre ke Joab edi etubom kpukpru mbon-ekɔŋ Israel: Benaiah eyen Jehoiada onyuŋ edi etubom mme Cherethite ye eke mme Pelethite:

2 SAMUEL 20:7

Ndien ikɔt Joab etiene enye ke edem ewɔŋɔ, ye mme Cherethite, ye mme Pelethite, ye kpukpru mbon uko: ndien mmɔ eto ke Jerusalem eka ndibine Sheba eyen Bichri.

2 SAMUEL 6:10

David inyuŋ inyimeke ndida ekebe Jehovah ŋka ŋkonim ke ebiet esiemɔ ke obio David: edi David ada enye awaha onim ke ufɔk Obed-edom Gittite.

2 SAMUEL 8:18

Benaiah eyen Jehoiada onyuŋ edi etubom mme Cherethite ye eke mme Pelethite; nditɔ-iren David enyuŋ edi mbɔŋ.

1 NDIDEM 1:38

Ndien Zadok oku, ye Nathan prophet, ye Benaiah eyen Jehoiada, ye mme Cherethite, ye mme Pelethite, esuhɔre, mmɔ enyuŋ eda Solomon edori ke mule edidem David, enyuŋ eda enye eka ke Gihon.

1 CHRONICLES 18:17

ndien Benaiah eyen Jehoiada edi etubom mme Cherethite, ye eke mme Pelethite; nditɔ-iren David enyuŋ edi akpan owo ke ubɔk edidem.

1 SAMUEL 23:13

Ndien David ye ikɔt esie, owo ikie itiokiet edaŋa, eto ke Keilah ewɔŋɔ, enyuŋ eka edem emi mmɔ eyomde ndika. Ndien mmɔ ekesian Saul ete ke David ama oto ke Keilah efehe ɔbɔhɔ; ndien enye etre ndiwɔrɔ ŋka.

1 SAMUEL 25:13

Ndien David ɔdɔhɔ ikɔt esie, ete, Mbufo kpukpru ebɔbɔ ofut mbufo. Ndien kpukpru owo ebɔbɔ ofut mmɔ; David onyuŋ ɔbɔbɔ ofut esie ŋko: ndien owo ikie inaŋ etiene David edɔk; ikie iba enyuŋ esuk ye ŋkpɔ mmɔ.

1 SAMUEL 27:3

Ndien David ye ikɔt esie eduŋ ke Achish ke Gath, kpukpru owo ye ufɔk mmɔ, David ye iban esie mbiba, Ahinoam ŋwan a Jezreel, ye Abigail aŋwan Nabal Carmelite.

1 SAMUEL 27:4

Ekem mmɔ esian Saul, ete ke David ama efehe aka Gath: ndien enye iyomke aba enye.

1 SAMUEL 30:1

EDIKEM adaŋemi David ye ikɔt esie esimde Ziklag ke ɔyɔhɔ usen ita, mme Amalekite ema ekedi ekɔŋ ke edem usuk, ye ke Ziklag, enyuŋ esuan Ziklag,

1 SAMUEL 30:14

Nnyin ika ekɔŋ ke edem usuk mme Cherethite, ye ke se inyenede Judah, ye ke edem usuk Caleb; inyuŋ ifɔp Ziklag ke ikaŋ.

1 SAMUEL 30:9

nnyuŋ mbɔ mmɔ kpukpru. Ndien David asaŋa ye owo ikie itiokiet oro edude ye enye, ndien mmɔ ekesim idim Besor, ndien mmɔ eke esuhɔde etuak eda do.