2 SAMUEL 15:10 - Edisana ñwed Abasi Ibom

¹⁰ Ekem Absalom ɔdɔŋ mbon-uyep, ete esaŋa ke kpukpru esien Israel, edɔhɔ ete, Ke ini mbufo edikopde uyo ukorowo, mbufo edɔhɔ ndien, ete, Absalom amada ubɔŋ ke Hebron.

2 SAMUEL 15:10 ပူးပေါင်းရင်းမြစ်များ

2 SAMUEL 13:28

Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

2 SAMUEL 14:30

Ndien enye ɔdɔhɔ ikɔt esie, ete, Sese, iŋwaŋ Joab emekpere okim, enye onyuŋ enyene barley do; mbufo eka ekefɔp enye ke ikaŋ. Ndien ikɔt Absalom efɔp iŋwaŋ oro ke ikaŋ.

2 SAMUEL 15:9

Ndien edidem ɔdɔhɔ enye, ete, Saŋa suŋ. Ndien enye adaha ke enyɔŋ aka ke Hebron.

2 SAMUEL 19:10

Absalom emi nnyin ikeyetde aran inim ke etubom nnyin omonyuŋ akpa ke ekɔŋ. Ke didie ndien ke mbufo etre ndida edidem mfiak?

2 SAMUEL 2:1

EDIKEM ke ŋkpɔ oro ebede, David obup Jehovah, ete, Mme nyedɔk ŋka ke obio Judah kiet? Ndien Jehovah ɔdɔhɔ enye, ete, Dɔk. Ndien David obup, ete, Ndidɔk ŋka mmɔŋ? Ndien enye ɔdɔhɔ ete,Ke Hebron.

2 SAMUEL 2:11

Ndien ibat isua emi David edide edidem ufɔk Judah ke Hebron edi isua itiaba ye ɔfiɔŋ itiokiet.

2 SAMUEL 5:5

Enye edi edidem Judah ke Hebron ke isua itiaba ye ɔfiɔŋ itiokiet; onyuŋ edi edidem ofuri Israel ye Judah ke Jerusalem ke isua edip ye duopeta.

1 NDIDEM 1:11

Ekem Nathan prophet ɔdɔhɔ Bath-sheba eka Solomon, ete, Nte afo uka-ukopke, ete ke Adonijah eyen Haggith amada ubɔŋ, ndien David ɔbɔŋ nnyin ifiɔkke?

1 NDIDEM 1:34

ndien yak Zadok oku ye Nathan prophet eyet enye aran do enim ke edidem Israel: mbufo enyuŋ eda obukpoŋ efuri, enyuŋ edɔhɔ, ete, Yak Solomon edidem odu uwem.

2 NDIDEM 9:13

Ndien kpukpru mmɔ ewara eda ɔfɔŋ-idem mmɔ esin enye ke idak ke idem udigukot, enyuŋ efuri ukorowo, enyuŋ edɔhɔ, ete, Jehu edi edidem.

1 CHRONICLES 11:3

Ekem kpukpru mbiowo Israel eka ke ebiet edidem ke Hebron; ndien David anam ediomi ye mmɔ ke Hebron ke iso Jehovah, ndien mmɔ eyet David aran enim ke edidem Israel, ekem ke uyo Jehovah, ke inua Samuel.

1 CHRONICLES 12:23

Ndien mme mmɔ emi edi ibat mme etubom mmɔ eke ebɔbɔde mbɔbɔ-ekɔŋ, etiene David ke Hebron, ndida ubɔŋ Saul ŋkabare nnɔ enye, ke uyo Jehovah.

1 CHRONICLES 12:38

Kpukpru mme mmɔ emi, mbon ekɔŋ emi edade ke udim ke ofuri esit, eka ke Hebron ekenim David ke edidem ofuri Israel: ndien ŋko ofuri Israel emi esuhɔde, ekem esit kiet ndinim David ke edidem.