2 SAMUEL 14:19 - Edisana ñwed Abasi Ibom

¹⁹ Ndien edidem obup ete, Nte ubɔk Joab odu ye afo ke ofuri ikɔ emi? Ndien ŋwan ɔbɔrɔ ete, Ma uwem fo, ɔbɔŋ mi, O edidem, ŋkpɔ baba kiet iduhe se ɔbɔŋ mi edidem ɔdɔhɔde ke ufien ye ke nnasia: koro edi owo fo Joab eketeme mi, onyuŋ esin ofin aŋwan fo kpukpru ikɔ emi ke inua:

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Ndien Uriah ɔdɔhɔ David, ete, Ekebe (Jehovah), ye Israel, ye Judah, ke etie ke ataya; etubom mi, Joab, ye ikɔt ɔbɔŋ mi, enyuŋ enena ke ntaŋwaŋ ebiet; nte ami ndiduk ke ufɔk mi, ndien, ndidia ŋkpɔ, nnyuŋ ŋŋwɔŋ, nnyuŋ ndaŋ ye ŋwan mi? Ma uwem fo, ye uwem ukpɔŋ fo, ndinamke ŋkpɔ emi.

2 SAMUEL 14:18

Ndien edidem ɔbɔrɔ, onyuŋ ɔdɔhɔ ŋwan oro, ete, Mbɔk, kudip mi ikɔ emi ami ndibupde fi. Ndien ŋwan ete, Yak ɔbɔŋ mi edidem ɔdɔhɔ, ndien.

2 SAMUEL 14:3

nyuŋ ka ke ebiet edidem ketiŋ ikɔ emi nɔ enye. Joab onyuŋ esin enye ikɔ ke inua.

2 SAMUEL 18:13

Mma ŋkpanam abiaŋa ntuk uwem mi, ndien baba ŋkpɔ kiet idibeke edidem, afo okponyuŋ onim idem ke usua mi.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

2 SAMUEL 3:29

Yak enye odoro Joab ke ibuot, ye ke ofuri ufɔk ete esie; ndien owo eke ŋkpɔ ɔwɔrɔde enye ke idem, ye owo akpa-mfia, ye emi eberede ke esaŋ, ye emi ɔduɔde ke ofut, ye anana-udia okutre ke ufɔk Joab.

2 SAMUEL 3:34

Ikɔbɔpke fi ubɔk, iko-nyuŋ isinke fi ebuka ke ukot: afo ɔmɔduɔ nte owo eke ɔduɔde ke iso mme idiɔk owo, Kpukpru owo enyuŋ etɔŋɔ ntak etuaŋa enye.

2 NDIDEM 2:2

Ndien Elijah ɔdɔhɔ Elisha, ete, Mbɔk, tie mi; koro Jehovah ɔdɔŋde mi utom ke Beth-el. Edi Elisha ɔdɔhɔ ete, Ma uwem Jehovah, ye uwem ukpɔŋ fo. Ndikpɔŋke fi.

EXODUS 4:15

Ndien afo editiŋ ɔnɔ enye, onyuŋ ada ikɔ oro esin enye ke inua: ami nyenyuŋ ndu ye inua fo, ye inua esie, nnyuŋ nteme mbufo se mbufo edinamde.

MME ŊKE 25:2

Ndidip ŋkpɔ edi ubɔŋ Abasi: edi ndiyarare ŋkpɔ edi ubɔŋ edidem.

MME ŊKE 4:27

Kuwɔŋɔre uka nnasia, kunyuŋ uwɔŋɔre ufien sio ukot fo fep ke idiɔk.

NUMBERS 20:17

Mbɔk, yak nnyin isaŋa le isɔŋ fo ibe: nnyin idisaŋake ke iŋwaŋ, idinyuŋ isaŋake ke iŋwaŋ vine, idinyuŋ iŋwɔŋke mmɔŋ obube: nnyin iyesaŋa ke ɔkpɔ-usuŋ edidem, idiwahake ke nnasia, idinyuŋ iwahake ke ufien, tutu nnyin ibe adaŋa fo.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

DEUTERONOMY 28:14

kunyuŋ ufep idem ke baba ikɔ kiet eke ami ntemede mbufo mfin emi, uwaha uka ke nnasia, mme ke ufien ŋketiene mme abasi efen nnam ŋkpɔ mmɔ.

DEUTERONOMY 5:32

Mbufo etiŋ enyin ndien enam kpa nte emi Jehovah Abasi mbufo etemede mbufo: ekuwaha eka nnasia, ekunyuŋ eka ufien.

JOSHUA 1:7

Edi sɔŋ ubɔk, nyuŋ sɔŋ esit eti-eti, ndikpeme nnyuŋ nnam kpukpru mbet emi Moses owo mi eketemede fi: kuwɔŋɔre ukpɔŋ enye uka nnasia mme ufien, man otim anam kpukpru ŋkpɔ eke afo edikade.

1 SAMUEL 1:26

Ndien eka ɔdɔhɔ ete, O ɔbɔŋ mi, ma uwem fo, ɔbɔŋ mi, ami ndi ŋwan oro akadade ekpere fi mi, ŋkpe Jehovah ubɔk.

1 SAMUEL 17:55

Ndien adaŋemi Saul okutde David nte enye ɔwɔrɔde aka ekɔŋ ye Philistine oro, enye ɔdɔhɔ Abner, etubom mbon-ekɔŋ, ete, Abner, akparawa emi edi eyen anie owo? Ndien Abner ɔbɔrɔ ete, Ma uwem fo, O edidem, mfiɔkke.

1 SAMUEL 20:3

Ndien David ɔŋwɔŋɔ ŋko, ete, Usɔ ɔmɔfiɔk ete ke afo amama mi; ndien enye, ɔdɔhɔ ete, Kuyak Jonathan ɔfiɔk emi, mbak esit ediyat enye: edi ma uwem Jehovah, ma uwem idem fo ŋko, ayak ikpat kiet ami ndikpa.

1 SAMUEL 25:26

Ndien, ɔbɔŋ mi, ma uwem Jehovah, ma uwem fo ŋko, koro Jehovah amakpan fi ndidue isop iyip, ndinyuŋ nda ubɔk fo nnyaŋa idem fo, yak mme asua fo, ye mmɔ eke eyomde ndidiɔk ye ɔbɔŋ mi ekam etie nte Nabal.