2 SAMUEL 14:11 - Edisana ñwed Abasi Ibom

¹¹ Ndien ŋwan oro ɔdɔhɔ ete, Mbɔk, yak edidem eti Jehovah Abasi fo, man osio-usiene iyip okusobo aka iso, mbak mmɔ edisobo eyen mi. Ndien enye ɔdɔhɔ ete, Ma uwem Jehovah, idet eyen fo ndomo kiet ididuɔhɔ ke isɔŋ.

2 SAMUEL 14:11 ပူးပေါင်းရင်းမြစ်များ

GENESIS 14:22

Ndien Abram ɔdɔhɔ edidem Sodom, ete, Mma mmen ubɔk nnɔ Jehovah, Abasi Ibom, andinyene

GENESIS 31:50

Ekpedi nte afo ɔdiɔkde ye nditɔ-iban mi, onyuŋ adade iban efen ɔkɔrɔ ye nditɔ-iban mi, idige owo odu ye nnyin: se, Abasi edi ntiense ke

2 SAMUEL 14:10

Ndien edidem ɔdɔhɔ ete, Owo ɔdɔhɔ fi ikɔ, da enye sɔk mi, ndien enye iditɔŋɔke aba ntak ituk fi.

2 SAMUEL 14:12

Ndien ŋwan oro ɔdɔhɔ ete, Mbɔk, yak ofin aŋwan fo etiŋ ikɔ kiet ɔnɔ ɔbɔŋ mi, edidem. Ndien enye ete, Dɔhɔ.

2 SAMUEL 14:21

Ndien edidem ɔdɔhɔ Joab ete, Sese, mbɔk, mmanam ŋkpɔ emi: ka ndien, kada eyen oro kpa Absalom fiak di.

1 NDIDEM 1:52

Ndien solomon ɔdɔhɔ ete, Edieke enye anamde nte eti owo, idet esie ndomo kiet ididuɔhɔ ke isɔŋ: edi ema ekut idiɔk ido ye enye, enye eyekpa.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

NUMBERS 35:19

Edi osio-usiene iyip enyene ndiwot owot-owo: ini eke enye okutde enye, yak owot enye.

NUMBERS 35:21

mme adada ubɔk esie ɔtɔ enye ke usua owot: owo emi ɔkɔtɔde owo ntre okutre ndikpakpa; enye edi owot-owo: osio-usiene iyip enyene ndiwot owot-owo oro ke ini osimde enye.

NUMBERS 35:27

ndien osio-usiene iyip osim enye ke edem adaŋa obio ubɔhɔ esie, osio usiene iyip owot owot-owo oro, iyip idisɔpke enye:

MATTHEW 10:30

edi emabat kpa kpukpru idet ibuot mbufo.

UTOM MME APOSTLE 27:34

Mmɔdo mme-kpe mbufo ubɔk nte, edia ŋkpɔ; emi eyewɔrɔ erinyaŋa ɔnɔ mbufo: koro baba idet ibuot mbufo kiet idikibeke itak.

1 SAMUEL 14:45

Nte ɔfɔn Jonathan ndikpa, emi akanamde akamba erinyaŋa emi ke Israel? Nsa nnyin! ma uwem Jehovah, baba idet kiet iditoho enye ke ibuot iduɔ ke isɔŋ; koro enye amanam ye Abasi mfin emi. Ndien mmɔ enyaŋa Jonathan, iyakke enye akpa.

1 SAMUEL 20:42

Ndien Jonathan ɔdɔhɔ David, ete, Ka ke ifure, koro nnyin owo mbiba ike ŋwɔŋɔde, itomo enyiŋ Jehovah, ite Jehovah osuk odu ke ufɔt mi ye afo, ye ke ufɔt ubon fo ye ubon mi ke nsinsi. Ndien enye (David) adaha: Jonathan onyuŋ ɔnyɔŋ ke obio ŋko.

1 SAMUEL 28:10

Ndien Saul otomo Jehovah ɔnɔ enye, ete, Ma uwem Jehovah, ufen idisimke fi ibaŋa ikɔ emi.