2 SAMUEL 13:37 - Edisana ñwed Abasi Ibom

³⁷ Ndien Absalom efehe aka ke ɔtɔ Talmai eyen Ammihur, edidem Geshur. David onyuŋ atua eyen esie kpukpru usen.

2 SAMUEL 13:37 ပူးပေါင်းရင်းမြစ်များ

2 SAMUEL 13:34

Ndien Absalom ɔbɔhɔ. Ekem eyen emi adade ekpeme, emenere enyin esie ese, ndien sese, ediwak owo ke esaŋa ke ŋkaŋ obot ke edem esie edi.

2 SAMUEL 13:36

Edikem adaŋemi enye osuk ɔdɔhɔde ntem, sese, nditɔ edidem ediwɔrɔ, ndien mmɔ emenere uyo mmɔ etua eyet: edidem ye kpukpru ikɔt esie enyuŋ etua akamba eyet eti-eti.

2 SAMUEL 14:13

Ndien ŋwan oro ɔdɔhɔ ete, Nsinam afo ekerede ntre abaŋa ikɔt Abasi? Ndien emi edidem ɔdɔhɔde ikɔ emi, enye etie nte owo eke eduede, koro edidem miyakke eyen esie emi ebinde efep, afiak edi.

2 SAMUEL 14:23

Ekem, Joab adaha ke enyɔŋ aka Geshur, akada Absalom edi ke Jerusalem.

2 SAMUEL 14:32

Ndien Absalom ɔdɔhɔ Joab, ete, Sese, ŋkɔdɔŋ ekedɔhɔ fi ete, Di ken, man ndɔŋ fi utom ke ɔtɔ edidem, ɔkɔdɔhɔ ete, Ŋkanam didie nto ke Geshur ndi? Ɔkpɔfɔn mi ndikam ndu do ke emi: kam yak ŋkut edidem iso; ndien edieke idiɔk ŋkpɔ odude mi ke ubɔk, yak enye owot mi.

2 SAMUEL 15:8

Koro owo fo akakaŋade akaŋa ke ini oro ŋkoduŋde ke Geshur ke Syria, nte, Edieke Jehovah edidade mi afiak ke Jerusalem, nyenam ŋkpɔ Jehovah.

2 SAMUEL 3:3

ndien udɔ esie edi Chileab eyen Abigail ŋwan Nabal Carmelite; ndien udɔ-udɔ edi Absalom eyen Maacab, eyen-aŋwan Talmai edidem Geshur;

1 CHRONICLES 3:2

ududɔ, Absalom eyen Maacah eyen Talmai ɔbɔŋ Geshur: ɔyɔhɔ inaŋ, Adonijah eyen Haggith: