2 SAMUEL 13:28 - Edisana ñwed Abasi Ibom

²⁸ Ekem Absalom eteme mkparawa esie, ete, Mbufo ese ini eke wine edidukde Amnon idem, ndien adaŋemi ndɔhɔde mbufo, nte, Mbufo etɔ Amnon: ewot enye, ndien, ekufehe ndik: nte idige ami nteme mbufo: mbufo esɔŋ ubɔk, enyuŋ edi mbon uko.

2 SAMUEL 13:28 ပူးပေါင်းရင်းမြစ်များ

GENESIS 9:21

enye onyuŋ ɔŋwɔŋ wine akpa; ndien ana iferi ke ufɔt ataya esiemɔ.

2 SAMUEL 11:13

Ndien David okot enye edi, ndien enye adia ŋkpɔ onyuŋ ɔŋwɔŋ ke iso esie; enye (David) onyuŋ esin enye ɔŋwɔŋ akpa: ndien ke mbubreyo enye ɔwɔrɔ aka akana ke bed esie ye ikɔt ete esie, edi isuhɔkede ika ke ufɔk esiemɔ.

2 SAMUEL 11:15

Enye onyuŋ ewet ke ŋwed, ete, Mbufo enim Uriah ke iso ekɔŋ eke ɔsɔŋde sɔŋ, enyuŋ efiak edem ekpɔŋ enye, man enye ada unan akpa.

2 SAMUEL 12:10

Mmɔdo ofut midikpɔŋke ufɔk fo tutu amama; koro afo emesin mi ke ndek, omonyuŋ ada ŋwan Uriah Hittite ke idemfo ɔdɔ.

2 SAMUEL 13:27

Edi Absalom eyire enye; ndien enye ayak Amnon ye kpukpru nditɔ-iren edidem etiene enye eka.

2 SAMUEL 14:6

Ofin aŋwan fo okonyuŋ enyene nditɔ-iren iba, ndien mmɔ mbiba eŋwana eŋwan ke iŋwaŋ, baba owo kiet eke adianarede mmɔ efep inyuŋ iduhe ndien kiet ɔtɔ kiet owot.

1 NDIDEM 20:16

Edi Ben-hadad ke ɔŋwɔ-ɔwɔŋɔ mmin akpa ke ataya, ye mbɔŋ edip ye duopeba oro eŋwamde enye.

ESTHER 1:10

Ekem ke ɔyɔhɔ usen itiaba, adaŋemi esit edidem adarade ke wine, enye ɔdɔhɔ Mehuman, Biztha, Harbona, Bigtha, ye Abagtha, Zethar, ye Carcas, eunuch itiaba emi enamde ŋkpɔ ke iso edidem Ahasuerus,

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

EXODUS 1:18

Ndien edidem Egypt okot mme emum uman oro edi, onyuŋ ɔdɔhɔ mmɔ, ete, Nsinam mbufo enamde ŋkpɔ emi, ke enim nditɔ-iren uwem?

ECCLESIASTES 10:19

Enam udia ke mbre, wine onyuŋ adat mme odu-uwem esit: inyene onyuŋ ɔbɔrɔ kpukpru ŋkpɔ.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

DANIEL 5:30

Ke okoneyo oro ewot Belshazzar edidem mme Chaldean.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

LUKE 21:34

Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;

UTOM MME APOSTLE 5:29

Edi Peter ye mme apostle ebɔrɔ ete, Nnyin inyene ndikop uyo Abasi ŋkan uyo owo.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JUDGES 19:22

Ke ini mmɔ edatde esit ntre, sese, mbio-obio eke edide mme oburobut owo, edikan ufɔk ekuk, etuak usuŋ, enyuŋ edɔhɔ akani-eren oro, ete ufɔk, ete, Da eren oro okodukde ke ufɔk fo, wɔrɔ di, man nnyin ifiɔk enye.

JUDGES 19:6

ndien mmɔ mbiba etie ɔtɔ kiet, edia ŋkpɔ, enyuŋ eŋwɔŋ; ndien ete eyen-aŋwan ɔdɔhɔ owo oro, ete, Nyime, mbɔk, nyuŋ daŋ okoneyo emi, ndien yak esit enem fi.

JUDGES 19:9

Ndien adaŋemi owo oro adahade ke enyɔŋ, ete isaŋa ye ŋwan esie oro, ye eyenɔwɔŋ esie, ete ŋwan esie, kpa ete eyen aŋwan oro, ɔdɔhɔ enye, ete, Mbɔk, eyo ɔsuhɔre, oyom ndikut, mbufo edaŋ ke okoneyo, mbɔk: sese, utin ɔmɔkɔhɔre itɔŋ: daŋ mi ke okoneyo, yak esit enem fi; ndien mkpɔŋ, mbufo ebak esaŋa usuŋ mbufo, ndien ka ke tent fo.

RUTH 3:7

Ndien adaŋemi Boaz adiade ŋkpɔ onyuŋ ɔŋwɔŋde, esit onyuŋ enemde enye, enye aka ɔkɔsuhɔre ana ke mben otu: ndien enye (Ruth) asaŋa ndibe-ndibe, aka ɔkɔfuhɔre enye ukot, ndien ɔsuhɔre ana.

1 SAMUEL 18:22

Saul onyuŋ eteme ikɔt esie, ete, Mbufo edɔhɔ ye David ke ndibe, ete, Sese, edidem ke ama fi eti-eti, kpukpru ikɔt esie enyuŋ ema fi: ɔfɔn ndien nte afo ekpedide ukot edidem. Ntre ke ikɔt Saul etiŋ ikɔ oro ke utɔŋ David.

1 SAMUEL 28:10

Ndien Saul otomo Jehovah ɔnɔ enye, ete, Ma uwem Jehovah, ufen idisimke fi ibaŋa ikɔ emi.

1 SAMUEL 28:13

Ŋkɔm afo edi Saul. Ndien edidem ɔbɔrɔ enye, ete, Kufehe: afo okut nso ŋkpɔ ndien? Ndien ŋwan oro ɔdɔhɔ Saul, ete, Mmokut ata akwa owo nte otode ke isɔŋ ɔdɔk.