2 SAMUEL 12:31 - Edisana ñwed Abasi Ibom

³¹ onyuŋ osio kpukpru owo eke edude ke esit, esin mmɔ ke idak uyɔkŋkpɔ ye harrow ukwak, ye ke ekudi ukwak, onyuŋ anam mmɔ ebe eduk ke ufɔp e brick: ntre ke enye onyuŋ anam ŋkpɔ ye kpukpru obio nditɔ Ammon. Ekem David ye kpukpru owo enyɔŋɔ eka ke Jerusalem.

2 SAMUEL 12:31 ပူးပေါင်းရင်းမြစ်များ

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

1 CHRONICLES 20:2

David onyuŋ ayarare edidem mmɔ anyanya esie ke ibuot, onyuŋ okut ete ke udobi esie edi talent gold kiet, ɔsɔŋ-urua itiat enyuŋ esine ke esit; ndien eda enye eyara David ke ibuot: enye onyuŋ ataŋ ata ediwak mbume ke obio ɔnyɔŋ.

1 CHRONICLES 20:3

Onyuŋ osio mmɔ eke edude ke esit, ɔyɔk [mmɔ] ke uyɔkŋkpɔ, ye ke mme harrow ukwak, ye ke ekudi. Ntem ke David anam ye kpukpru obio nditɔ Ammon. Ndien David ye kpukpru owo enyɔŋ ke Jerusalem.

JEREMIAH 43:9

Men ikpɔ itiat ke ubɔk fo, kodip mmɔ ke mbat ke itie ufɔp-brick, emi odude ke inua-otop ufɔk Pharaoh ke Tahpanhes, ke iso mbio Judah; nyuŋ dɔhɔ mmɔ, ete,

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 1:14

Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

AMOS 1:3

Ndien Jehovah ɔdɔhɔ, ete, Idiɔk ido Damascus ita ye inaŋ iyakke mi ŋkabare enye (ufen) mfep; koro mmɔ enuakde Gilead ke ŋkpɔ ubek-ibokpot emi enamde ke ukwak.

MME HEBREW 11:37

etɔŋɔ mmɔ ke itiat, eyɔk mmɔ esibe mbio iba, edomo mmɔ, ewot mmɔ ke efut: mmɔ oro esine ikpa-erɔŋ ye ikpa-ebot eduyo;

JOSHUA 10:15

Ekem Joshua ye ofuri Israel ŋko efiak edem eka ke nna ke Gilgal.