2 SAMUEL 12:22 - Edisana ñwed Abasi Ibom

²² Ndien enye ɔbɔrɔ, ete, Ŋketre udia, nnyuŋ ntua mbaŋa eyen-ɔwɔŋ oro, ke adaŋa enye odude uwem: koro ŋkerede nte, Anie ɔfiɔk mme Jehovah eyetua mi mbɔm, onyuŋ onim eyen oro ke uwem?

2 SAMUEL 12:22 ပူးပေါင်းရင်းမြစ်များ

2 SAMUEL 12:21

Ndien ikɔt esie ebup enye, ete, Nso ŋkpɔ edi emi afo anamde? Afo eketre udia, onyuŋ atua eyet abaŋa eyenɔwɔŋ, adaŋemi enye odude uwem; ndien ke eyenɔwɔŋ akpade, afo adaha ke enyɔŋ adia ŋkpɔ.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

ISAIAH 38:5

Ka kɔdɔhɔ Hezekiah, ete, Ntem ke Jehovah, Abasi David usɔ ɔdɔhɔ, ete, Mmokop mkpe-ubɔk fo, mmokut mmɔŋeyet fo: sese, nyekɔt isua efut ke mme usen fo.

JOEL 1:14

Mbufo enim utre-udia: ekwɔrɔ usɔrɔ; ebon mbiowo, kpukpru mme andiduŋ isɔŋ, edi ufɔk Jehovah Abasi mbufo, enyuŋ eseme enɔ Jehovah.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

JONAH 1:6

Ndien etubom asaŋa ekpere enye, onyuŋ ɔdɔhɔ enye, ete, Nsinam afo edede ɔkpɔsɔŋ idap ntem? daha ke enyɔŋ, fiori kot Abasi fo, mme Abasi eyekere nnyin, man ikutak.