2 SAMUEL 12:20 - Edisana ñwed Abasi Ibom

²⁰ Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Ndien adaŋemi David okutde nte ikɔt esie edɔŋde odu, David ɔfiɔk ete ke eyen amakpa: ndien David obup ikɔt esie, ete, Nte eyen amakpa? Ndien mmɔ ebɔrɔ, ete, Amakpa.

2 SAMUEL 12:21

Ndien ikɔt esie ebup enye, ete, Nso ŋkpɔ edi emi afo anamde? Afo eketre udia, onyuŋ atua eyet abaŋa eyenɔwɔŋ, adaŋemi enye odude uwem; ndien ke eyenɔwɔŋ akpade, afo adaha ke enyɔŋ adia ŋkpɔ.

2 SAMUEL 14:2

Ndien Joab ɔdɔŋ eka ke Tekoa, ekeda ɔfiɔkŋkpɔ ŋwan do edi, onyuŋ ɔdɔhɔ enye, ete, Mbɔk nim idemfo nte ŋwan eke etiede ikpo, nyuŋ sine ɔfɔŋ-idem ikpo, kunyuŋ uyere aran, edi nim idemfo nte ŋwan eke etiede ikpo anyan ini abaŋa akpa mkpa:

2 SAMUEL 19:24

Ndien Mephibosheth eyen Saul ɔsuhɔre edi ndisobo ye edidem, ndien enye ikeyetke ukot esie, ikonyuŋ idiɔŋke ntaŋebek esie, ikonyuŋ iyetke edisine-ŋkpɔ esie, toto usen oro edidem akadahade, tutu osim usen emi enye afiakde ke ifure.

2 SAMUEL 6:17

Ntre ke mmɔ emen ekebe Jehovah eduk, ekediɔk enye ke ɔtɔ esie, ke ufɔt tent emi David akanamde ɔnɔ enye: ndien David awa edifɔp uwa emem ke iso Jehovah.

2 SAMUEL 7:18

Ekem edidem David oduk editie ke iso Jehovah, onyuŋ ɔdɔhɔ ete, Ami ndi anie, O Jehovah Abasi? Ufɔk mi onyuŋ edi nso, emi afo adade mi edi ken?

ŊWED JOB 1:20

Ndien Job adaha ke enyɔŋ, awai ekura esie, onyuŋ okporo ibuot esie, ndien ɔduɔ ke isɔŋ, atuak ibuot.

ŊWED JOB 2:10

Kpɔŋ Abasi, ndien kpa mkpa. Ndien enye ɔdɔhɔ ŋwan, ete, Afo ɔdɔhɔ nte ndisime ŋwan ɔdɔhɔde; nte nnyin ibɔ Abasi eti ŋkpɔ, ndien idibɔhɔ idiɔk ŋkpɔ ŋko? Ke ofuri ŋkpɔ emi Job inamke idiɔk ke mkpɔk-inua esie.

ŊWED MME PSALM 103:1

O UKPƆŊ mi, kɔm Jehovah, kpukpru se idude mi ke esit, nyuŋ kɔm edisana enyiŋ esie.

ŊWED MME PSALM 103:8

Jehovah emenyene esit mbɔm ye mfɔnido, isɔpke iyaresit, ndien awak ima.

ŊWED MME PSALM 39:9

Ntie imum, ntatke inua mi: koro edide afo akanam.

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.

MME ŊKE 3:7

Kuse idem fo ke ɔfiɔk ŋkpɔ: teŋe Jehovah, nyuŋ kpɔŋ idiɔk.

ECCLESIASTES 9:8

Yak edisine-ŋkpɔ fo edi edisana kpukpru ini; kunyuŋ uyak ibuot fo anana aran.

MATTHEW 6:17

Edi ama edi afo, ke ini etrede udia, da aran yet ke ibuot, nyuŋ yet iso:

LUKE 7:46

Afo uyetke Mi aran ke ibuot: edi enye ada ufuɔŋkpɔ eyet Mi ke ukot.

RUTH 3:3

Yere mmɔŋ, ndien, nyuŋ da edifuɔŋ aran diɔŋ idem, nyuŋ sine edisine-ŋkpɔ fo, nyuŋ suhɔre ka ke ebiet-ubek: kuyak enye ɔdiɔŋɔ fi, tutu enye adia ŋkpɔ, onyuŋ ɔŋwɔŋ ama.

1 SAMUEL 15:25

Edi, mbɔk, dahado ke idiɔk ido mi, nyuŋ tiene mi fiak, man ntuak ibuot nnɔ Jehovah.

1 SAMUEL 15:31

Ntre ke Samuel afiak etiene Saul ke edem, ndien atuak ibuot ɔnɔ Jehovah.