2 SAMUEL 12:19 - Edisana ñwed Abasi Ibom

¹⁹ Ndien adaŋemi David okutde nte ikɔt esie edɔŋde odu, David ɔfiɔk ete ke eyen amakpa: ndien David obup ikɔt esie, ete, Nte eyen amakpa? Ndien mmɔ ebɔrɔ, ete, Amakpa.

2 SAMUEL 12:19 ပူးပေါင်းရင်းမြစ်များ

2 SAMUEL 12:18

Edikem ke ɔyɔhɔ usen itiaba, eyen oro akpa. Ndien ndik iyakke ikɔt David eka ekesian enye, ete ke eyen akpa: koro mmɔ edɔhɔde ete, Sese, adaŋemi eyen okodude uwem, nnyin idɔhɔ ye enye, edi enye ikopke uyo nnyin: nnyin idinam didie, ndien, idɔhɔ enye, ite ke eyen amakpa, man anam idemesie idiɔk-ŋkpɔ.

2 SAMUEL 12:20

Ndien David adaha ke isɔŋ, eyere mmɔŋ, ada aran eyet ke idem, onyuŋ ɔkpuhɔ edisine-ŋkpɔ esie, ndien oduk ke ufɔk Jehovah, akatuak ibuot: ndien aka ke ufɔk esie, ɔkɔdɔhɔ ete enim udia enɔ imɔ; ndien enye adia.

2 SAMUEL 13:39

Ndien oro esin David edidem etre ndiwɔrɔ ŋkoyom Absalom: koro enye ama okokop ndɔŋesit abaŋa Amnon, koro enye ama akakpa.

1 ŊWED THESSALONICA 4:13

Edi nnyin imaŋa mbufo enana ifiɔk, nditɔ-ete, ebaŋa mmɔ emi edede, mbak mbufo edifuhɔ, kpa nte mmɔ eken eke minyeneke idori-enyin.