2 SAMUEL 12:17 - Edisana ñwed Abasi Ibom

¹⁷ Ndien mbiowo ufɔk esie edaha ke enyɔŋ eka ke ɔtɔ esie, ete inam enye adaha ke isɔŋ; edi enye inyimeke, inyuŋ idiaha ŋkpɔ ye mmɔ.

2 SAMUEL 12:17 ပူးပေါင်းရင်းမြစ်များ

GENESIS 24:2

Ndien Abraham ɔdɔhɔ owo esie, ebiowo ufɔk esie, emi akarade kpukpru se enye enyenede, ete, Mbɔk sin

GENESIS 37:35

Ndien kpukpru nditɔ-iren esie, ye kpukpru nditɔ-iban esie edaha ke enyɔŋ ete idɔŋ enye esit, edi enye esin ndikop ndɔŋesit; ete, Nsuhɔre ŋka ke udi ntiene eyen mi ke mfuhɔ. Ntem ke ete esie atua enye eyet.

2 SAMUEL 12:18

Edikem ke ɔyɔhɔ usen itiaba, eyen oro akpa. Ndien ndik iyakke ikɔt David eka ekesian enye, ete ke eyen akpa: koro mmɔ edɔhɔde ete, Sese, adaŋemi eyen okodude uwem, nnyin idɔhɔ ye enye, edi enye ikopke uyo nnyin: nnyin idinam didie, ndien, idɔhɔ enye, ite ke eyen amakpa, man anam idemesie idiɔk-ŋkpɔ.

2 SAMUEL 3:35

Ekem kpukpru owo edi ndinam David adia ŋkpɔ ke eyo mika ikutke, edi David ɔŋwɔŋɔ ete, Abasi osuk anam mi ntem, onyuŋ anam aka iso, edieke ntabide uyo mme ŋkpɔ ekededi ke utin mika-isopke.

ŊWED MME PSALM 102:4

Ebɔŋ mi esit, esit onyuŋ eyemere nte mbiet: koro mmefre ndidia udia mi.

DANIEL 6:18

Ndien edidem ɔnyɔŋ ke ufɔk esiemɔ, onyuŋ etre udia ofuri okoneyo, inyuŋ iyakke eda ŋkpɔ mbre edi ke iso esie: idap onyuŋ atiam enye.

1 SAMUEL 28:23

Edi enye esin, onyuŋ ɔdɔhɔ ete, Ndiaha. Edi ikɔt esie ye ŋwan oro eyire enye; ndien enye okop uyo mmɔ; ndien adaha ke enyɔŋ etie ke bed.