2 SAMUEL 12:16 - Edisana ñwed Abasi Ibom

¹⁶ Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Ekem Nathan ɔnyɔŋ ke ufɔk esie. Ndien Jehovah ɔtɔ eyen oro ŋwan Uriah akamande ɔnɔ David, ndien enye ɔdɔŋɔ.

2 SAMUEL 12:22

Ndien enye ɔbɔrɔ, ete, Ŋketre udia, nnyuŋ ntua mbaŋa eyen-ɔwɔŋ oro, ke adaŋa enye odude uwem: koro ŋkerede nte, Anie ɔfiɔk mme Jehovah eyetua mi mbɔm, onyuŋ onim eyen oro ke uwem?

2 SAMUEL 13:31

Ndien edidem adaha ke enyɔŋ, awai edisine-ŋkpɔ esie, onyuŋ ɔsuhɔre ana ke isɔŋ; kpukpru ikɔt esie enyuŋ ewai edisine ŋkpɔ mmɔ eda do.

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

NEHEMIAH 1:4

Edikem ke ini ŋkopde ikɔ emi, nsuhɔre ntie, nnyuŋ ntua eyet, nnyuŋ nseme ndusuk usen, nnyuŋ ntre udia, nnyuŋ mbɔŋ akam ke iso Abasi enyɔŋ.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ŊWED MME PSALM 50:15

nyuŋ sio mme akaŋa fo nɔ Ata Edikoŋ. Ndien seme nɔ mi ke usen ukut: nyebabare fi mbaba, ndien afo eyekpono mi.

ŊWED MME PSALM 69:10

Ndien ntua eyet ŋwot ukpɔŋ mi ke utre-udia,

ISAIAH 22:12

Ndien ke usen oro Ɔbɔŋ Jehovah mme udim okot eyet, ye eseme, ye ibɔ, ye ukune ɔfɔŋ-ikpo.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

DANIEL 6:18

Ndien edidem ɔnyɔŋ ke ufɔk esiemɔ, onyuŋ etre udia ofuri okoneyo, inyuŋ iyakke eda ŋkpɔ mbre edi ke iso esie: idap onyuŋ atiam enye.

DANIEL 9:3

Ndien ŋwuk iso mi nse Ɔbɔŋ Abasi, nnyuŋ nyom mkpe-ubɔk, ye eseme, ye utre-udia, ye ɔfɔŋ-ikpo, ye ntɔŋ:

JONAH 3:9

Anie owo ɔfiɔk mme Abasi eyewɔŋɔre onyuŋ akabare esit, onyuŋ adahado ke ikaŋ iyaresit esie, man nnyin ikutak.

UTOM MME APOSTLE 9:9

Ndien enye ikwe usuŋ ke usen ita, idiaha ŋkpɔ inyuŋ iŋwɔŋke ŋkpɔ.

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.