2 SAMUEL 12:13 - Edisana ñwed Abasi Ibom

¹³ Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

2 SAMUEL 12:13 ပူးပေါင်းရင်းမြစ်များ

GENESIS 39:9

esie esin mi ke ubɔk; baba owo kiet ikponke ke ufɔk emi ikan mi; enye inyuŋ isinke mi ŋkpɔ ndomo kiet ke mibɔhɔke fi koro afo edide ŋwan esiemɔ; ndinam didie ndien nnam akwa idiɔkŋkpɔ emi nnyuŋ ndue Abasi?

2 SAMUEL 24:10

Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

2 SAMUEL 24:17

Ndien David ɔdɔhɔ Jehovah, ke ini enye okutde angel oro owotde mbio-mbio, ete, Sese, ami ŋkedue, ŋkonyuŋ nnam se ikwaŋade: edi ŋkpri ufene emi ekenam nso? Mbɔk, yak ubɔk fo odoro mi, ye ufɔk ete mi.

1 NDIDEM 13:4

Edikem adaŋemi edidem okopde uyo owo Abasi oro okofioride okot itie-uwa ke Bethel, Jeroboam ada ke ŋkaŋ itie-uwa anyan ubɔk esie, ete, Mbufo emum enye. Ndien ubɔk esie emi enye anyande otuk enye eken, akpa, enye inyuŋ ikwe aba nte adade ubɔk adian ke idemesie.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 NDIDEM 22:8

Ndien edidem Israel ɔbɔrɔ Jehoshaphat, ete, Osuk kaŋa owo kiet, Micaiah eyen Imlah, emi nnyin ikemede ndida enye mbup Jehovah: edi ami mmasua enye: koro enye misitiŋke eti prophecy ibaŋa mi, ke mibɔhɔke idiɔk. Ndien Jehoshaphat ɔdɔhɔ, ete, Edidem okudɔhɔ ntre.

2 NDIDEM 1:9

Ndien edidem ɔdɔŋ etubom owo aba ye duop ye owo esie aba ye duop etiene enye. Ndien enye ɔdɔk okosim enye: ndien, sese, enye etie ke enyɔŋ obot kiet. Ndien etubom ɔdɔhɔ enye, ete, Owo Abasi, edidem ɔdɔhɔ fi, ete, Suhɔre di.

1 CHRONICLES 21:8

Ndien David ɔdɔhɔ Abasi, ete, Mmanam idiɔk-ŋkpɔ eti-eti, koro ŋkanamde ŋkpɔ emi: edi, mbɔk, dahado ndien ke idiɔk ido owo fo: koro mmanam ndisime eti-eti.

2 CHRONICLES 16:10

Ndien Asa ayat esit ye okut-ŋkukut oro, onyuŋ esin enye ke ufɔk ebuka; koro enye akpahade esit ye enye abaŋa ŋkpɔ emi. Asa onyuŋ otuk ndusuk mbio-obio suk ini oro.

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

ŊWED JOB 33:27

Enye ɔkwɔ ɔnɔ owo, onyuŋ ɔdɔhɔ, ete, “Ŋkanam idiɔk, nnyuŋ ŋkwaŋa se inende: ndien isioho usiene ye ami:

ŊWED MME PSALM 103:12

Adaŋa nte edem usiaha-utin oyomde ye edem usop, kpa ntre ke enye ɔbɔ nnyin mme idiɔk ido nnyin onim anyan ebiet.

ŊWED MME PSALM 51:16

Koro afo muyomke uwa emem; (okpoyom) ŋkpɔnɔ: unyuŋ umaŋa edifɔp uwa.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

ŊWED MME PSALM 51:6

Sese, afo amama akpanikɔ ke esit: afo eyenyuŋ anam mi mfiɔk ifiɔk ke ɔwɔŋ esit.

EXODUS 9:27

Ndien Pharaoh ɔdɔŋ ekekot Moses ye Aaron edi; onyuŋ ɔdɔhɔ mmɔ ete, Mmanam idiɔk ke ini emi: Jehovah enenen; edi ami ye mbio mi imɔdiɔk.

MME ŊKE 25:12

Enyene-ibuot owo eke ɔtuŋɔde ke utɔŋ eke okopde, edi mkpanuen o-gold, ye mbana-ŋkpɔ ata eti gold.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ISAIAH 38:17

Sese, ata idot amakabare edi emem ye ami: ndien afo amama ukpɔŋ mi osio ke obube nditaha; koro afo ɔmɔduɔk kpukpru mme idiɔk ido mi ke edem fo.

ISAIAH 43:24

Afo ukedepke mbɔkɔk ke okuk unɔ mi, ukonyuŋ uyuhɔke mi ke ikpɔŋ mme uwa fo; afo emesin mi nnam ŋkpɔ ke mme idiɔk ido fo ikpɔŋ-ikpɔŋ, omonyuŋ ada mme ukwaŋ-ŋkpɔ fo efek mi.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

LEVITICUS 20:10

Ndien ŋko ama edi owo eke okotde ŋwan owo, eke okotde ŋwan mbɔhiduŋ esie, okot ŋwan ye ŋwan emi enye okotde enyene ndikpa.

LEVITICUS 24:17

Ndien ŋko owo eke owotde owo ekededi, enyene ndikpa.

ZECHARIAH 3:4

Ndien enye ɔbɔrɔ onyuŋ ɔdɔhɔ mmɔ oro edade enye ke iso, ete, Mbufo esio enye ndek-ndek ɔfɔŋidem oro ke idem. Ndien enye ɔdɔhɔ enye, ete, Sese, mmosio fi idiɔk ido fo ke idem mfep, nyenyuŋ nda edisine-ŋkpɔ ubɔŋ nsine fi ke idem.

MATTHEW 14:10

onyuŋ ɔdɔŋ eka ekebigi John ke ufɔk-ŋkpɔkɔbi.

LUKE 15:21

Edi eyen ɔdɔhɔ enye ete, Ete, mmanam idiɔk-ŋkpɔ ndian heaven ye ke iso fo: ndotke aba ndikere eyen fo.

LUKE 18:13

Edi publican ada nsan-nsan, inyuŋ inyimeke ndimenere kpa enyin esie nse enyɔŋ, edi amia ubɔk ke ikpanesit esie, ete, Abasi, tua mi, idiɔk owo, mbɔm.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

1 SAMUEL 15:20

Ndien Saul ɔdɔhɔ Samuel, ete, Ŋkɔm mma ŋkop uyo Jehovah, nnyuŋ ŋka ke usuŋ emi Jehovah ɔkɔdɔŋde mi, mma nnyuŋ nda Agag edidem Amalek ndi, nnyuŋ nsobo Amalek fap.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.