2 SAMUEL 12:10 - Edisana ñwed Abasi Ibom

¹⁰ Mmɔdo ofut midikpɔŋke ufɔk fo tutu amama; koro afo emesin mi ke ndek, omonyuŋ ada ŋwan Uriah Hittite ke idemfo ɔdɔ.

2 SAMUEL 12:10 ပူးပေါင်းရင်းမြစ်များ

GENESIS 20:3

Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo.

2 SAMUEL 18:33

Ndien esit ayat edidem, enye onyuŋ ɔdɔk ke ubet ke enyɔŋ inua-otop, ke atua eyet: onyuŋ ɔdɔhɔ ntem, nte enye ɔdɔkde, ete, Eyen mi Absalom! eyen mi, eyen mi, Absalom! ami ŋkpakam ŋkpa ke ibuot fo, O Absalom, eyen mi, eyen mi.

1 NDIDEM 15:5

koro David akanamde se inende ke iso Jehovah, mikonyuŋ iwahake ikpɔŋ baba ŋkpɔ kiet eke Enye eketemede enye ke ofuri eyo uwem esie, ke mibɔhɔke ke ikɔ Uriah Hittite ikpɔŋ-ikpɔŋ.

MME ŊKE 17:13

Owo ama anam idiɔk ke usiene eti, idiɔk-ŋkpɔ ididahake ke ufɔk esie.

AMOS 7:9

Ndien ŋkokoŋo ebiet Isaac eyesomo, ndisana ebiet Israel eyenyuŋ ewure; nyenyuŋ mmen ofut ndaha ke enyɔŋ ntiene ufɔk Jeroboam.

NUMBERS 11:20

edi ke ofuri ɔfiɔŋ, tutu eyewɔrɔ mbufo ke odudu ibuo, onyuŋ anam mbufo ntek-esit: koro mbufo esuenede Jehovah emi odude ke otu mbufo, enyuŋ etuade eyet ke iso esie, ete, Nsinam nnyin ikɔwɔrɔde ke Egypt?

MATTHEW 26:52

Jesus ɔdɔhɔ enye ete, Sin ofut fo ke efɔk: koro kpukpru owo eke emende ofut eyekpaŋa ke ofut.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.