2 SAMUEL 10:19 - Edisana ñwed Abasi Ibom

¹⁹ Ekem adaŋemi kpukpru ndidem oro edide ikɔt Hadarezer ekutde ete ke imesuana ke iso Israel, mmɔ ekɔŋɔ mfaŋ enɔ Israel, enyuŋ enam ŋkpɔ enɔ mmɔ. Ntre ke ndik iyakke Syria etɔŋɔ ntak enyaŋa nditɔ Ammon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

David onyuŋ asuan Hadadezer eyen Rehob, edidem Zobah, ke ini enye akade nditɔŋɔ ntak nnim ubɔŋ esie ke edem Akpa (Euphrates).

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

1 NDIDEM 20:1

EKEM Ben-hadad edidem Syria obon kpukpru mbon-ekɔŋ esie: mbɔŋ edip ye duopeba enyuŋ edu ye enye, ye horse, ye chariot: ndien enye ɔdɔk aka akakan Samaria okuk, onyuŋ aŋwana ekɔŋ ye enye.

1 CHRONICLES 19:19

Ekem ke ini ikɔt Hadarezer ekutde ete ke Israel emekan mmimɔ, mmɔ ekɔŋɔ mfaŋ enɔ David, enyuŋ ekabare edi ikɔt esie: Syria inyuŋ inyimeke aba ndiŋwam nditɔ Ammon.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

DANIEL 2:37

Afo, O edidem, edi edidem ndidem: koro Abasi enyɔŋ ɔmɔnɔ fi ubɔŋ, ye odudu, ye nsɔŋidem, ye ukpono.

JOSHUA 11:10

Ndien ke ini oro Joshua afiak akada Hazor, onyuŋ owot ɔbɔŋ mmɔ ke ofut: koro Hazor ekebemde iso edi etubom kpukpru mme idut oro.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.

JUDGES 1:7

Ndien Adoni-bezek ɔdɔhɔ, ete, Ndidem ata ye duop, emi ekekpokde mmɔ obodom nnuenubɔk ye obodom nnuenukot etetaŋ ŋkpɔ ke idak okpokoro mi: kpa nte ŋkanamde, kpa ntre ke Abasi onyuŋ anam mi usiene. Ndien mmɔ eda enye edi ke Jerusalem, ndien enye akpa do.